Babete ser o dayîka Dîlane, Meryem Akalin qalî kerd. Dayîka Meryem ciresna ke aye badê ke qedexeya vejyayîşê teberî ameya wedarnayîş şînaya gorê domanê xo zîyaret bikera û wina verdewam kerd: “Roja 33’ine ya qedexe de bi awayo hovane hêriş kerdênê û ê nêzdîyê 20 kes yew keye de bî. Ger ke domanê min ê pîl nêvejyaynê û bala her kesî nêantênê ser xo, ê do ma hemînan qetil bikerdênê. Badê hêrişan her çend ke ma ambulansî gêray zî nêameyî û ma bi îmkananê xo berd nêweşxaneyî. Seba ke sedye çinêbî ma bi batanîyan berd doktorî ver. Ez hetê kênaya xo de menda û min lajê xo zî teslîmê yewna kesî kerd.”
Ez şîya cenaza
Dayîka Akalin vat ke heta ke Yusufî berdî Mîdyat, cuya xo da û wina domna: “Wexto ke ez şîya cenazayê lajê xo kênaya min zî yew amelîyatêkî gird vîyarnaybî. Min nêzanaynê kamder domanê xo rê biveşa. Kênaya min nê 2 aşmî ya ke tedawî vînena û her ke şono hîna başêr bena. Ez kesê ke na hovîye ma ra dayî cuyayîşî ra hesap bipersa.”
ŞIRNEX