Ayera paramîlîtera DAÎŞ serrana Tirkîya de bi sempatî verarê bena. Nîzama mueses serrana pey berî de çetegera DAÎŞ fînanse kena, miqate bena. Pê sînerjîya kurd qedînena, kurdo dawadar terbîye kena. Cokra zî na rexistina çeteger verêdîyaya kurd. Verêdîyaya heza pawîtoxa kurd. Verêdîyaya nirxî kurd.Wayer nîşan dano, ‘pirode’ vano. DAÎŞ piro dana. Gorê fermandarî xo hereket kena. Bîya dişmenî kurd, Şengalî ra hetanê Efrîn hezar kîlometre na xeta sûr de hema pêro sînerjîya kurd wena. Firset bikewo dest, bacaran Kurdîstan kena gola gûnî. Facîyaya Dîlok na facîan ra yew a. Qetlîamî 5 Hezîranê 2015, ya mîtîngî Amed, qetlîamî 20 Temuzê 2015, komxebata ciwanan ya facîa Pirsusê, qetlîamî 10’ î Citmeng 2015 ya Gara Enqere zî yê DAÎŞ bî.
Ewro herbî kurd û DAÎŞ ê de DAÎŞ, zîhnîyeto mezhepperesto sunî(Suîdî, Tirkîya…Qatar) ra paşt gena. Dişmeno hevpar, mileta mazlum kurd kerda hedefî xo, hetkarî kurd kena hedefî xo, sîyaseta kurd kena hedefî xo. Hemê rexistina kurd û komxebata rexistinan kena hedefî xo. Mîtîngane kurd bombe baranî kena. Sazîyan kurd bombe barane kena. Dostanê kurd, alîkarî kurd tehdît kena, çalakîyan manupule û sabote kena. Heta hemwelatîyo kurd qabe merasîmo en mutewazî û bê gunê, û merasîmo zaf bi xêr weyve kurd bombe barane kena.
Na rey Dilok de DAÎŞ’a gunîwer(xunxwar), qasî xo wehş, qasî xo nêcis, cîhanê bê emsal henberî mileta kurd, hemberî hemwelatîyanî kurd, hembere morala kurd, hemberî motîvasyona averî kurd çalakîyeka stratejîk pêk ard. Hedefî na çalakî netbi. Hedef kurd bi. Hedefî na çalakî îrade, kamîyê û qezencî kurd bi. Çi hef ke na şewa şahî de adir kewt 54’ê keye kurd. Hesretî çimî ma, nalîna ma, şehîd(29) pêro tutêk bi. Qetlîameko giran bi. Zerre kurd peritîya. Zerre welato lete bî lete-lete. Şahîya kurd bi şin û qesaweta kurd. Roja şahîya kurd bî qiyametî kurd. DAÎŞ’ a kutikbab zanên kurd, en zaf pê mergî tutanî xo dejeno. Medya de tayê vanê na hedîse na facîa hesabî zere yo. Bi nîyetî kaos pêk ami, vanê. Nêxer, na facîa de dişmen waşt, hawara kurd berz bo, wa dejî kurd zedê bo. Komeleya kurd bê fonksîyon bo, waşt. Kurd bi ters, biratî û hemparîya kurd xirabe bo, waşt. Rastarast na rey kurdî Dilok amê bîyê hedef, amanc têkşîyîyayişîya komeleya kurd bî. Esas hedefî qetlîama Dilok verkan întîqama Menbiç bî. Nî Suîdî nî zî Tirkîya, tehemulê nê nêyar desbirakan qezencî kurd çîna.
Dim facîa Diloke rayberîya AKP ya desteya berz yena tehet. Verêfekî(vajêr) AKP, wekîlî Sert Yasîn Aktay qetlîam zaf mihîm nîyo. Vano, wa kes megero patenta qetlîan. Mereq mekere kurd kerdox zano. No patent ser, namê to est o Y. AKTAY. Şehîdan Dilok yad kena, ê ke bîrîndarî Homa ra şîfa wazena.
Mistefa Şahîn