Bajarê Mêrdînî de wexto ke 20ê Tebaxe de şar vernîya şaredarîye de vera qayûman de reaksîyon nîşan dayêne, polîsan hêrişê şarî kerd. Çalakgêrê ke mîyanê înan de parlamenterî zî estbî, raştê hêrişê awa taqyîqine, gazo îsotin û mudaxaleyê polîsan ameyî.
Çalakgêran vera hêrişê polîsan de rayîr trafîkî rê padabi û wexto ke çalakîye dewam kerdêne, rojnamegerî Ahmet Kanbal, Mehmet Şah Orûç, Halîme Parlake, Rojda Aydine û Nûrcan Yalçine ameybî tepiştene. Seba ke kamera û makîneya antişe fotografan yê rojnamegeran zî tepişte mendî, tayê dîmenî badê ke rojnamegerî serbest ameyî veradayene, yenî weşanayene.
Bitaybetî fotografê ke hetê Mehmet Şah Orûçî ra ameyî antene de yenî dîyayene ke polîsî senî hêrişê çalakgêran kenî. Yeno dîyayene ke wextê çalakîyan de tayê çalakgêrî xeriqîyenî. Reyna dîmenan de tewr tay 7 polîsî vejîyayî maneyê kesêk ser o û paşkûlan danî ê kesî ro. 5 rojnamegerî zî bi derbkerdiş yenî tepiştene.
MÊRDÎN