Şirnex de kêberê kamcî keyeyî bîro akerdiş, estanikeke vejyena vernîya mordemî. 8 aşman mîyan de rixmê zor û zehmetîyan şarî xoverdayiş ra tawîz nêda. Nika zî welatijî jû hetî ra dirbetanê xo pîştenê, heto bîn ra hadreyînê zimistanî kenê.
Ronişteya mehleya Bahçelîevler ke wextê qedexe de amê rijnayen Fehîme Bahşîş ke rib virazena bi nê vatenan behsê zilmê hikûmet kena: “Wextê qedexe de ma mecbûr mendî ke vejerê. Nê 8 aşman mîyan de pêrokîn dar û bexçeyê ma bî wişk. Ma hona zî zadê xo nêçînayo. Ma biçînê zî feydeyê xo çîno.”
Keyeyê ma kerdî qerargeh
Quwetanê dewlet demê qedexe de keyeyê malbata Bahşîş ya 2 qatî xo ra kerdî qerargeh û zerar dayê keye. Pêrokîn amûrê ke bi elektrîkî xebityenê ameyê parçekerdiş, qulekê dolabê keye de ameya akerdiş û seba xo kerdîye meterîs.
Rîalo ke pêrokîn keyeyî ya ameyê welişnayiş, ya zî qerarê welişnayişî ameyo dayen, malbata Bahşîş bê embiryanî menda. Keyeyê ronişteyê taxa Bahçelîevler Apê Abdûllah zî rîwalê eştişê topan welişya. Apê Abdûllah ke pey Şaredarîya Şirnex de xêm rona, xêma ci hetê quwetanê dewlet wedarîya. Nika zî seba ke zimistanî de îdare bikero Apê Abdûllahî destpa keyeyê xo newe ra rona û jû qatê keyeyî zî ca embiryananê xo.
Kurdî nêqedîyenê
Zey her Şirnexijekî Apê Abdûllah zê dano zonayen ke ti ferqê nikayî bi serranê ’90î ra çîno û wina vano: “Bîyayişê ke o demî qewimyayî ewro dibare benê. Şarê Kurd wina nêqedîna. Heta ke ê dinya de bibê, şarê Kurd zî do bibo. No şar bi merdiş û girotişan nêqedîno. Heta peynî ma dawaya xo ra nêageyrenê.
NEDÎM ORUÇ
DÎHABER /ŞIRNEX