Dîrektorê Pêroyî yê Eutelsat Rodolphe Belmer hayderî day Komîsyonê Ekonomî yê Senatoya Fransa aşkere kerd ke qerarê vindernayişê weşana Med Nûçeyê ser waştena RTUK ameya giroten. Dîrektorê Belmerî aşkere kerd ke rîwalo ke ê Tirkîye de zî gureyênê, ‘bêçareyê ke bi sermîyananê tirk ra zî pîyakarî bikerê’ û îtiraf kerd ke qerarê vindernayişê weşana Med Nûçeyê ser waştena RTUK ameya giroten. Rodolphe Belmerî dîyar kerd ke ‘RTUKî înan ra waşto ke weşana qenaleke kurd a ke dûştê qanûnanê tirk a vindarnê û va ma zî na kerd. Belmerî vist vîrî ke qerarê vindernayişê weşanî,  heta ameyişê qerarê meqamanê 3 welatanê bînî ê Awropa yo û da zonayen ke nê welatî zî Belçîka, Norveç û Swêd o.

Dûştê qerarê Eutelsatî vejyenime
Dîrektorê Pêroyî yê Eutelsatî bi vatişê  "RTUK endamê desteyê berz ê weşangerîya Awropa ya" hewl da qerarê vindernayişê  weşana Med Nûçe ke ser waştena RTUK bipawo. Belmerî îdîa kerd ke ê goreyê qanûnanê Fransa û Awrûpa hereket kenê.  Federasyona Rojnamegerê Mavênneteweyî (EFJ) nerazîbîyayişeke wişt qerarê vindernamişê weşana Med Nûçe rê damûsna û vist vîrî ke verîya Eutelsatî,  20 qenalê televîzyon û radyo yê ke ser Turksat ê, ameyê giroten.
Heto bîn ra pawitoxê  Med Nûçe Jean-Loûîs Malterre ke AFP rê qisey kerd, da zonayen ke ê xo hadre kenê ke dûştê qerarê  Eutelsatî bivejyê.
Heto bîn ra vizêr seatanê dihîr de gurekaranê Med Nûçe Parîs de damûstayîn day çapemenî û hayr antî pîyakarîya qilêrîn yê şîrketa Eutelsat û dewleta tirk ser û nêrazîbîyen damûsnay. Îdarekaranê Med Nûçe aşkere kerdî ke qerarê girotişê qerarê înan qerarekê hiqûqî nîyo, qerarekê sîyasî yo. Herzewbîn vizêr gurekaranê Med Nûçe bi şîrketê Eutelsatî ra pêdiyayineke zî viraştî.  n PARÎS