Verba no îlankerdişê OHALê dewleta tirk zî şarê Dêrsime vejîyaybi kûçe û papolan û şehîdgehe xo ra wayîrvejîyaybî. Verba no têkoşîna dêrsimijan zî Wezaretê Karê Zereyê nêçare vat bike no biryarê OHALê bi talîmatê serekwezîrê ameya dayiş. Peynî zî Wezaretê Karê Zereyê biryarê xo OHALê ra tepa gam eşt û qedexe hewana la belê di rayîrê de zî no ra cendirmeyan astengê vetbî. Verba no nêzdîbîyîşê cendirmeyan zî wekîlê HDPa Mûşî Demîr Çelîk vat bike dewleta tirk rîyê xo faşîstî weş mojna.
Hewna qedexe ya dewleta tirk ser bi berpîrsîyarê MEYA-DERî Raşteyê Hunerî de çalakî amebi darvistiş û di çalakîyê de hemserekê DBPa Dêrsimî Ergîn Dogru qise kerdbi. Dogru vat bike di Dêrsime de newe ra faşîzmê 12’ê Êlule yena cuyayiş û no ser zî lejker û cendirmeyan Dêrsimî girewtê binê dorpêçê xo.
HÊRIŞÊ DÊRSIMIJAN KERDÎ
Dogru dîyar kerd bike dewleta tirk destûr nêdano ke dêrsimijan wayîrê şehîdgehe xo bivejê û wina vat: “Di dinyayê de sifteyin Israîl hêrişê goristanan kerdbi, ewro polês û cendirmeyê dewleta tirk hêrişê goristanê dêrsimijan kenî. Ma do qet verba nê hêrişan bêveng nêvinderî û ma her tim têkoşîna xo bidê.” Verba heme nê çalakîyan dewleta tirk şuxulnayişê OHALê israr kerdbi û verba israrê şarê Dêrsime qet gam tepa nêvist û hewna çalakîya meşê dar vistbi. Çarçiweya na meşe di kûçeya Hunere ra hetanê Raşteyê Azadî ra dêrsimijan meşyaybî.
QET XO ÇEWT NÊKERDÎ
Peynîya meşe hemsereka Şaredarîya Dêrsime Nurhayat Altun vat bike nê di rojoke dewleta tirk wazena hêzê xo, şarê Dêrsime ra bimojno û wina vatbi: “No şar, şarê xoverodayişê yê, no şar hetanê nika qet di dîrokî de sareyê xo çewt nêkerdo û do çewt zî nêkero. AKP hadî xo bizano.”
Verba heme nê polîtîkayê qedexe û OHALê dêrsimijan tepa gam nêvist û di Pîlemûrîyeya Dêrsime de Şehîdgeha Doktor Baran û Besê bi beşdarbîyîşê hezaran akerdbî. Akerdişê şehîdgehe ra zî malbatê şehîd û partijan beşdar bîbî.
Nika di şehîdgehe de 99 şehîdê PKK/HPG û 5 şehîdê TÎKKO/TKPML est ê. Hewna di şehîdgehe de şehîdê qirkerdişê Dêrsime zî est ê. Di akerdişê şehîdgehe heme beşdarwanê nameyê şehîdan bi vengê berz wend û peynî zî malbatan di şehîdgehe de goristanê şehîdan xo ra qaranfîl veraday.
Di Dêrsime de OHAL peynî nêbeno
Hunermend Ozan Serdar peynîya cuyayişê sirgûn yê 35 serrê Tirkîyaye ra agêra. Serdar semedê sîyasîyê ser 35 serrê ver nêçare Tirkîya terk kerdbi. Peynîya 35 serrê darazîya tirk di heqê Serdarê de biryarê gêrayişê hewana.
Serdarê, di Raşteyê Balafirê yê Ataturkî de malbatê Serdar, pawitoxê ey Erdal Dogan û hunermendê MKM pêşwazê kerdî. Di dema pêşwazekerdişê de hunermend Ferhat Tunç Tunç vat ke: “Serdar dema ke Dêrsime terk kerd, no demî zî di Dêrsime de OHAL est bi la belê Serdar peynîya serran agêra Dêrsim, çi heyfo ke di Dêrsime hema zî OHAL est o. Di nê hîrê rojoke dewleta tirk ser Dêrsime zîhnîyeta 12 Êlule şuxulnena.”
Serdar zî aşkera kerd ke senî beno hema zî di Dêrsime de zîhnîyeta faşîst xo dona cuyayişê.