DÎSKÎ ra qandê Çêrmûg hamleyê xizmetî

Vera heme wastenanê şarê Çêrmûg, şaredarînê Çêrmûg ê AKPij, çiyê nêkerd.Bi sebebo ki sîstemê kanalîzasyonî ser, heme awa lîmin ê nêweşxaneyê dewlet û çoşmeyê ci, rijiyayê kûçeyan.Çiyê winayin jî hem biyê sebebê boya pîs û hem jî xeylê nêweşînî xoya piya ardê.Xebatanê HDP û DBP ê Çêrmûg ser, Saziyê Aw û Kanalîzasyon ê Şaredarînê Amedî DÎSKÎ, dest eşt ena meseleya girdi.

DÎSKÎ dest de proje kerd  hedre û wextê bol kilmî miyan de çoşmeyê Nêweşxaneyê Dewlet de dest bi kar kerd.DÎSKÎ plan kena 20 rojan miyan de xebatê xo biqedîno û çoşmeyê Nêweşxaneyê Dewlet de, 2300 metre sîstemê kanalîzasyonî viraze.

Eno xizmetê gird ê DÎSKÎ, doxtor û xebatkarê Nêweşxaney û roniştoxê mahla kêfweş kerdî.

Encumenê DBP ê Çêrmûg Şeyhmus Aslan bi sebebo ki xizmetê çêrmûgijan nêkeno, şaredarînê AKPij rexne kerd.Aslan ard ziwan ki, iyê kesê xizmet nêkenê û çêrmûgijî kerdê parsekarê xizmetî ra hesabî pers bikirê û wina dewam kerd:”Ma qandê   Çêrmûg dest bi hamleyê xizmetî kerdo. Wextê kilmî miyan de, Çêrmûga açariyo zey cayê şantiyayan. Îhaleyê şebeyê aw jî nezdî de temam beno. Mayê heme şebekeyê aw newe bikirê û meseleya aw ê Çêrmûg hal bikirê.”