Bi wesîleya Roşanê Qurbanan hetê DÎTÎB û Şûraya Muslumananê Hamburgî ra aktîvîteyêk ameyêne organîzekerdiş. Parlamentera Dîe Lînke Cansu Ozdemîre zî seba na aktîvîte verê ameybî dawetkerdiş, labelê dima ra lîsteya dawetî ra ameybî vetiş.
Babete ser o Ozdemîre qisey kerde û wina va: “Destê Anqara heta Hamburgî derg beno û no çîyêko merdimî tersneno yo. Ma temsîlkarê şarî yê ke hetê şarî ra ameyî weçînayîş î. Beno ke ma aktîvîteyan de bi hawayo rexnekar qisey bikerî.”
Heto bîn ra Endamê Şuraya Muslumananê Hamburgî Danîel Abdînî zî va ‘pey nê nizdîbîyayîşî de DÎTÎB esto’ û wina domna: “Zafaneyê endamanê Şuraye vera vetişê Ozdemîre yê lîsteye de yî.
Partîyî zî vera nêyî de yî
Serekê Grûba Meclîsê Eyaletî yê CDUye Andre Trepollî zî dîyar kerd ke ganî DÎTÎB zî na çarçewa de heme peymanan ra bêro vetiş, çimkî Tirkîya ra talîmat gêno û ti feydeyê ci seba demokrasî çin o.
Serekê Grûba SPDyî Andreas Dreselî zî va ‘her çiqas ke ma peymanê ke DÎTÎBî reyde ameyî viraştiş, bipawî zî ma talîmatgirewtişê ci raşt nêvînenî’.
ANF/HAMBURG