DENÎZ ÎKE / ANF / AMED
Tebîetê Kurdistanî bi baraj û HESan yeno çinî kerdene. Hukmatê AKPyî xebatê xo yê çinîkerdişê tebîetî domneno. Na çarçewa de 2009 de dest bi viraştişê Barajê Sîlvanî kerdî û heta nika se ra 80ê barajî ameyo temam kerdene. No baraj herême de barajê Ataturkî ra dima barajo tewr gird o.
Babete ser o Endamê Platformê Pawitişê Hevselî Guner Yanliçî qisey kerd. Yanliçî va ‘barajê ke 1940 ra nata yenî viraştene, bi Projeyê Anadoluya Başûrrojhelatî veîyayî orte û na çarçewa de pêro pîya 11 barajî ameyî plan kerdene. Barajê ke yenî viraştene, dewamê polîtîkayanê enerjî û ewleyî yê dewlete yo.”
Yanliçî dewamê qiseykerdişê xo de wina va: “Cayê ke barajî tede yenî viraştene de kurdê ke vera îqtîdarî de sere nêronenî, estî. Cok ra armancê barajê ke yenî viraştene o yo ke kurdê bîya nêkenî bidî koç kerdene yo. Eke Barajê Sîlvanî bêro temam kerdene, o wext do herêma Gelîyê Godernê ke mabênê qezayanê Farqîn, Licê, Pasûr û Hezro de maneno, çinî bibo. Do 50 dewî binê barajî de bimanî. Reyna viraştişê Barajê Sîlvanî do cayanê tarîxîyan û tewiranê gandaran çinî bikero. Barajê herême netîceyê polîtîkaya tek tîpkerdişî de yenî viraştene.”