Çeteyê DAIŞî ser Kobanê hêrişê xo dijwar domnenê. Verba nê hêrişê çeteyê DAIŞî pêroyina dinya û Kurdistane de çalakîyê Kobanê ameybî viraştiş la belê dema nê çalakîyan de zî polês û nijadperestan bi hembarî 43 kesan qirkerdbî. Peynîya xoverodayişê Kobanê zî AKPê rojdema Tirkîyaye ra bi lezî qanûnê ewlehîya zereyê ard.
No qanûnê ser serekê ÎHDê Ozturk Turkdogan vat ke zatî di Tirkîyaye de polêsê AKP bi asane merdim kişenê û îşkence kenî û wina vat: “Peynîya qanûnê do polêsê AKP hîna asan welatijan qirbikerê. Wa no qanûn bêro tepa ontiş. Senî beno AKP, di zereyê polêsî de dewleta paralel ra qal kena û şona polêsî ra hîna zaf selahet dona.”

RAYÎRÊ DARBE AKERDÎ
Turkdogan aşkera kerd ke her ke şona dewleta tirk xo otorîte kena û wina domna: “No qanûn, tena yew hekoyê ra nêro girewtiş. Hewna qanûnê MÎT, HSYK, qanûnê înternetê û ser çapemenîyê şuxulnayişê tade û zilm şuxulnayişê otorîteyê mojnenê. Ma hukûmatî ra bipersî eke di Tirkîyaye de OHAL bêro îlankerdiş, hukûmat do no demê çi bikero. No rayîr, rayîrê rind nîya û hêdî hêdî Tirkîya darbeye ra şona.”
Turkdogan dîyar kerd ke hukûmata AKP wazena nê qanûn bi zorî bido qebulkerdiş û wina vat: “Di dema xoverodayişê Kobanê de waştişê korîdor estbi la belê no waştişê şarê kurd ra hukûmata AKP bi polêsê xo hêrişê kerd û 700 kesan birîndar bîyê, 43 kesan zî cuyayişê xo day. Peynîya xoverodayişê Kobanê zî hukûmat 2500 kesan girewt binçimê û dadgehan 400 kesan eştî zîndanan. Hukûmata AKP di rayîrê şaşî de yo.”

ŞIKKERDEYÊ MAKÛL
Hewna no qanûnê ser sekreterê TÎHVê Metîn Bakkalci zî dest nîşan kerd ke di mîyanê aşman de hukûmata AKP di qanûnê teluke ser xebat kerd, yew qanûnê HSYK diyin zî qanûnê ewlehîya zereyê û wina dewam kerd: “Di qanûnê ardişê şikkerdeyê makûl, kavrama ke razber o. Eke no qanûn bêro qebulkerdiş do polêsê AKP bi asane mal û mîlkê welatijan bigêrê. Hewna bi no qanûn merdim nêşko do dema darazîyê de dosyayê xo ra bireso. Yanî wateye nimite yena. Şuxulnayişê yê çekê polês zêdîyeno. Polês nika ra pey do bi asane welatijan qetil bikero.”

WAZENÊ BITERSNÊ

Bakkalci ciresna ke polêsê AKP, nika çalakîyê aştî de daxî şîdet şuxulnena û wina domna: “Polês bi asane eşkena merdim bikişo. Verba no qetilkarî ya polêsê, hukûmata AKP polêsan ra xelayan vila kena. Bi zorî AKP wazena welatijan no qanûnê qebul bikerê. Zatî nika selahîyetê polês zaf o û bi selahîyetî zî polês hetanê nika seyan merdimê qetil kerd û bi hezaran birîndar kerd. Ma ganî verba no qanûnê têkoşîneke gird bidê. Çimkî no qanûnê ameyoxê şarê do tarî bikero.”


BEDILNAYIŞÊ POLÎTÎKA

Serekê MAZLUM-DERî Ahmet Farul Unsal ciresna ke hukûmata AKP zatî no qanûnê waştê bivejno, xoverodayişê Kobanê zî hukûmata ra bi baxane û no dergî da qise xo: “Bi xoverodayişê Kobanê şarê kurd waşt Kobanê ra korîdor bêroakerdiş. No ser zî bi no qanûn pirsgirêkan çareser nêbo hetta pirsgirêkan hîna zaf bibê. Zatî nika di qanûnê de selahîyetê polês zaf o. Bi no qanûnê zî do Tirkîya bibo dewleta polêsî. Hetta bi nê qanûnan pirsgirêkan hîna zaf bibê. Ganî no qanûnê ra tepa gam bêro eştiş.”

DÎHA/ENQERE