HDP di Dêrsimê de peynîya cigêrayişê namzedê xo Alî Onlu û Edîbe Şahîn dîyar kerd. Eke HDP bendê weçînayişê bivîyaro do Edîbe Şahîn zî bêro weçînitiş û na rewş zî di dîroka Dêrsimê de yewin bibo.
Namzeda HDPa Dêrsimê Edîbe di serra 1960’ê de Nazîmîye de ame dinya. Şahîn di serra 1980’ê de karê xo ra ame dûrvistiş. Şahîn zîndan û heqê merdimatîyê ser xebatan kerd û MKMê de zî rayedare û di kovara Rewşenê de zî edîtorîya hunerî kerd. Tewr peynî Şahîn serekeya Şaredarîya Dêrsimê kerd.
Hewna namzedê HDPa Dêrsim Alî Onlu zî di serra 1967’ê Nazimîye de ame dinya, Onlu lîse peynî kerdo. Onlu serra 2009’ê dema ke hetkardoxê Serekîya Şaredarîya Dêrsimê kerdî, çarçiweya operasyonê sîyasîyê ame girewtiş û 2014’ê de zî ame tehlîyekerdişî.
Dêrsimij Velî Dede ciresna ke seba înşakerdişê cuyayişê newe tewr gird keye nişan HDP o û wina dewam kerd: “Dêrsimijan di demo ameyoxê de bi rengê şarê Tirkîyayê cuyayişê hembarî ser hetanê nika xebat kerdî. No ser cuyayişê hembarî ser zî do rayê xo hetê HDPê ra bişuxulnê. Ma zananêynê do HDP seserra 21’in de rolê xo kay bikero û ma nirxê xo dîrokê zî Meclîsî ra bikirişî. Di HDPê de heme dorûveran bêrê yewbînan het, do weçînayişê 7’ê hezîranê de dêrsimijan pergala kemalîstî ra verpersekî gird bidê.”
Hewna Aysel Yildim zî wina dewam kerd: “HDP do Meclîsê de vengê Denîzan, Îboyan, Mazluman, Arînan û Sakînan bibo. Hewna di Meclîsê de omidê karker, cenî û şarê bindestan bibo. No ser zî keseke azadî wazena, înan ra veng dana û vana ke bêrê HDPê ra hetkarî bidê.”
ANF/DÊRSIM