Na tezkereya şerî ra tena HDP vat nê û na tezkere zî bi raydayîşê MHP, AKP û CHPe vîyart. CHP tezkereye ra bi îdia dijî DAIŞ de şerkerdiş de hetkarî da. Hemsereka HDP ya Stenbolî Ayşe Erdem tezkereya şerî û weçînayîşê 1’ê Teşrîne ser qise kerd.
Meşrûkerdişê şerî
Hemsereka HDP ya Stenbolî Ayşe Erdem vat ke na tezkere bi bira AKPe ame girewtiş û na tezkere zî waştişê serekkomar û AKPe dîyar kerd, AKP û serekkomar wazenê na tezkere reyde şerî meşrû nişan bidî û wina vat: “Ma zey HDP pêroyîna şaristanê Tirkîyaye de wazenê blokê aştîye saz bikerî û nika Meclîs de zî dijî nê blokê aştîye zî Meclîs de blokê şerî ame sazkerdiş. Xora nêzdîbîyîşê AKP û MHPe dijî aştîye dîyarî labelê testîqkerdişê CHPe rewşekê nakokî bî. Guya do aştîye CHP bîyara la verê heme Tirkîyaye CHP tezkereya şerî ra hetkarî da û no weçînayîş mîyanê şerhes û aştîhesan de bivîyaro.”
Waştişê HDP ya aştîyê
Hemsereka HDP ya Stenbolî Erdem aşkera kerd ke HDP bi aşkera hetê aştîye de ca gêna, çimkî şerî ra tewr zaf şarî zirar vînena, tewr weş şer çîyo, şarê kurd zaneno, do HDP şaristanê rojawan de waştişê xo ya aştîye hîna berz biqîra.
Erdem wina dewam kerd: “Demê xebatê weçînayîş de verê HDPe de tewr gird problemê şerîkê Kurdistano yeno cuyayiş o. Çimkî Kurdistan de nika şaristanan binê dagirî de yê û bi hezaran welatijê kurd yenî binçimgirewtişî. Ma wazenê Kurdistan de çi yeno se cuyayiş şaristanê rojawanî ra bidê famdayîşî. Ma dijî şerî têgerîyenî û ma seba waştişê xo yê aştîye mojnayîş rê hîna zaf xebatê xo bikerî. Babete tezkereye ser wekîlê ma Meclîs de taybetê xebatan bikerî.”
Verê aştîye de astengî
Erdem ciresna ke ê wazenê kesî demê ke rayê xo bişuxulno, bizano ke no welat de kesî ke şer wazenî estî û no weçînayîş zî mîyanê şerhes û aştîhesan tercîhkerdiş o la çi heyf ke Tirkîyaye de her kes no raştîyî nêvîneno û ê zey HDP wezîfeyê înan no raştîyî bidê famdayîşî la Meclîs de blokê şerî verê aştîye ya komeleye de astengî keno, no ser zî do no weçînayîş tikey zî bibo proleman reyde bivîyaro la ê qet aştî ra fek veranêdî.
Şaranê Tirkîyaye şerê AKPe vînenî
Erdem destnîşan kerd ke no weçînayîş de êdî şaran raştîyan vînayî û do nê raştîyan zî sondiqan ra lanse bibo û ê no weçînayîşî ra hîna omidar î û wina peynî kerd: “No şer, mîyanê şarê kurd û tirk de nîno cuyayiş. Seba menfaatê Erdoganî ser nika Tirkîyaye de şaran cuyayişê xo danî, no raştîyî ez bawera ke şaranê Tirkîyaye vînenî û no ser zî şarê Tirkîyaye zî zaneno ke na tezkere seba ci ameya vetiş. Zaf hûmarîy de AKPij, CHPij û MHPij zî no şerî AKPe nêwazenî.”