Belgefîlmo ke bi nameyê ‘tim herb bi ciwyayişê mi’ ame hadre kerdin, senaryoyê ci, çarçoveyê kitavê Cansiz de viraziya. Hadreyînê dokumanterî aşma Gulan, 2013’î de dest kerd ci. Bakûr, Başûr û Awrûpa de seweta hadreyînê belgefîlmî ekîbê cenî roniyay.
Bi emegê ceniyan
Viraştoxa dokumanterî wendekara vetox Xelîh Uysal’î Dersim Zêrevan’a. Herzewbîn ekîbê viraşten de Bîrcan Delal Yildiz, Elîf Engîl Şîmşek û Şehbal Şenyurt zî ca gênê. Serva dokumanterî bi 70 kesê ke, şahidîya wextanê domanî, gencî, serranê girotxane, demê Awrûpa û Rojhelata Miyanî yê tekoşînê Sakîne kerdî rê pêdiyayin û röportajî viraziyay. Muzîkê belgefîlmî yê Mîkaîl Aslan û Cemîl Koçgîrî yê. Rîwalê dokumanterî 100 seat dîmen anciyay. Dokumanter rbi 1 seat 35 deqe vejyeno verniya temaşekeran.
Açarniya 7 zonî
Belgefîlm bi zonê kurmancî âme hadre kerdin. La açarniya zonanê Tirkî, Îngilîzî, Almanî, Îtalyanî, Flamanî û Fransizî. Ekîbê viraşten yê dokumanterî aşkere kerdî ke, demê vernî de belgefîlm do açarniyo zonanê Îspanyolî, Farsî û Erebî kî. Ebi nî zonan ciwyayişê tekoşînê Cansiz do pêrokîn dinya de bîro silasnayen.
Gala aşma Çile de ra
Galayê dokumanterî hefteyê sifteyîn yê aşma Çile, ke Sakîne Cansiz, Fîdan Dogan û Leyla Şaylemez amey qetilkerdin, Parîs de bîro damusnayen. Parîs ra piya, eynî wextî de Amed de kî dokumanter do bivejyo verniya niyadoxan. Ekîbê viraştenê belgefîlm da zonayen ke, badê galayan dokumanter do festîvalanê ciya de bîro musnayen.
ANF