Kampa Serdemî ya Efrînî de 2 hezar domanan tabloyo ke girdîya ci 500 metre ya de xeyal û dejê xo xêz kerdî. Tablo Alan Kurdîyî rê ame dîyarîkerdene. Bi organîzekerdişê Yewîya Roşnvîranê Kantonê Efrînî û Ajansê Rûmafî 2 hezar domananê efrînijan tabloyo ke bi dergîya 500 metreyan xêz kerd.
Dimayê amadekarîya hewteyêkî domanê ke emrê înan mabênê 6 û 12 serrî de yê, Kampa Serdemî ya ke qezaya Ehdesî de ya ameyî têhet. Kampe de posterê Alan Kurdî ameyî daliqnayene û tabloyo derg mabênê xeyman de ame rakerdene.
Îdarekaranê Ajansê Rûmafî ra Nede El-Hisênî qisey kerd û dîyar kerd ke amancê înan o yo ke domanî travmayê ke antê, wa qala înan bikerê. Dimayê qiseykerdişî domanan boyaxê ke bi gileyanê zeytûnan ameyî xemilnayene girewtî xo dest û dejê ke gama ke dewleta Tirkî û çeteyanê ci hêrişê Efrînî kerd, antî û xeyalê xo yê ameyoxî xêz kerdî. Aktîvîte heman wextî de Alan Kurdî yo ke rayîrê koçberîye de derya de xeniqya rê ameye dîyarîkerdene. Badê xêzkerdişê tabloyî govende ameye girewtene.
ANF / ŞEHBA