TOLÎN MUHEMED / JINNEWS / ŞEHBA
Seba domanê efrînîyê ke Şehba de yî termînê neweyî yê perwerdeyî dest pêkerd. Domanî şert û mercan ver tay erey dest bi perwerdeyî kerdî. Kampa Berxwedanî de pêro pîya 11 polî û 450 wendekarî estî. Wendekarî bi ziwananê kurdî, îngilizkî, fransizkî û erebkî perwerde vînenî.
Babete ser o endamanê Perwerdeyê Komkî yê Demokratîke (KPC) qisey kerdî û melumat dayî. Endamanê KPCyî ra Şerîvan Osuye va ‘ma şahidîya qetilbîyayîşê bi seyan merdiman kerde’ û wina domnaye: “Domanê efrînîyî mecbûr mendî koçê Şehba bikerî. Ma zî seba domanan seferberîye îlan kerda. Termînê neweyî dest pêkerd. Ma 4 ziwanan de perwerde danî.”
Perwerdekaran ra Meryem Hebîpe zî wina va: “Seba ke mektebî amade nêbî, tay erey dest pêkerd. Ma tîya de xoverdayîşê xo domnenî. Ma vera her tewir zehmetîyan de xover danî û ti kes nêşêno ma armancê ma ra durî bikero.”
Wendekaran ra Fatma Muhemede û Hemîd Hisênî zî dîyar kerdî ke ê kêfweşîya bi ziwanê xo de perwerde vînayîşî cuyenî.”