Cehat Bakiray ê 10 serrî û temsîlkarê Komeleya Rojawanî Îbrahîm Kasun babete ser o qalî kerdî.
Wa domanî nêmirî
Cehat ciresna ke wexto ke ê xeberan temaşe keno zaf pê dejeno û wina verdewam kerd: “Ez zaf fikiryaya ka ez eşkena se bikera seba înan û tewr peynî min bire girewt ke pereyê xo kom bikera û hîrê aşmîyo ke ez pereyê xo kom kena. Heqê her merdimî ya cuyayîşî esto û ez nêwazena ke domanî bimirî. Ganî ma heme domanî pereyê xo kom bikerî çimkî ma ameyox î.”
Kampanyayî estî
Heto bîn ra bi rayberîya Şaredarîya Dêrsimî de kampanyayê paştîdayîşêyewbînanî domyenî û heta nika 2 TIRê ke mîyanê înan bi cil û çîyê werdî reyde pir o û 1 TIR zî Awa Munzurî ameyî eşrawitiş. Temsîlkarê Komeleya Rojawanî û Hetkarê Hemserekê Şaredarîya Dêrsimî Îbrahîm Kasun vat: “Ma zî seba paştîdayîşî kampanyayan virazenî. Çîyê ke yenî komkerdiş banê şaredarî de peyser benî û badê zî goreyê lazimî yenî eşrawitiş. Ma veng danî şarê xo wa paştî bidî kampanyaye.”
DÊRSIM