Weçîntayişî 51 eyaletanê Dewletê Yewbîyayî yê Emerîka de mavêna endamê Komargeran Donald Trump û endama Demokratan Hîllary Clînton de virazîyay. Netîceyê weçîntayişan de Trumpî bi 278 delegeyan îmze eşt bin serkewtişeke girdî û bi 45. Serokê DYE.
Rexmo ke Trumpî Hîllary Clînton ra 35 hear reyî kêmî girotî, rîwalê sîstemê eyaletî zey serok weçînîya.
Vêşêrê reyan girot
Demê weçîntayişanê Serokînî 1ê Sibat 2016î de lowa de bi verweçîntayişan start girot. Paytext Washington ra pîya 50 eyaletan de weçîntoxî şî ser sandiq.
Trumpî 28 eyaletanê zey Florîda, Wîsconsîn, Iowa, Georgîa, Ohîo, Kentucky, Utah, Indîana, New Jersey, Rojawayê Vîrgînîa, Başûr Karolina, Montana,Tennessee,Alabama,Mîssîssîppî, Wyomîng, Hawaî,Oregon, Maryland, Teksas, Başûr-Bakûr Dakota, Nebraska, Kansas, Oklahoma, Kalîfornîya, Arkansas, Pensîlvanya û Alaska de Clînten ravêr û vêşêrê reyan girot.
Senato de 51, MT de 236 kursîye Komargeran estê
Serkewtişê girdî ra dima Trump ke qisey kerd aşkere kerd ke o do bibo serokê pêrokîn Emerîka. Trump do 20ê Çile 2017î de wezîfeyê Serokîye Barack Obama ra dewr bigîro. Senato de 51, Meclîsa Temsîlkaran de zî 236 kursiyê Komargeran estê.
Donald Trump zerreyê ‘400 dewlemendanê dinya’ de ca gêno û 3,6 mîlyar dolar wayrê maldarî yo. Trump ke serranê 1970î ra na het însanê karî yê namedar o, na qadî de bi serkewtişanê gird veng da.
WASHÎNGTON