Teyarayanê şerî yê artêşa Tirkî ya dagîrkere 13ê Teşrîna Verêne de konvoya sivîlan a Cizîre hedef girewt û netîceyê bombardumanî de 12 sîvîlî merdbî. Mîyanê sivîlan de 8 rojnamegerî zî estbîy û rojnamegerî Seed Ehmed û Mihemed Hise Reşo netîceyê bombardumanî de merdbî, ê bînî zî birîndar bîbî.
Rojnamegeran ra muxabîrê ajansê ANHA Mehmet Ekîncîyo ke birîndar bi zî konvoy de bi. Ekîncîyî ajansê ANF rê qisey kerd û dîyar kerd ke ê seba ke şarê Serêkanîyê û şerwananê QSDyî silam bikerê ewja de bîy.
Ekîncîyî dîyar kerd ke amancê dewleta Tirkî ya dagîrkere no yo ke bi qirkerdişî, qetlîamî wazena wayîranê herême, ronîştoxanê herême bido koçkerdene û wina dewam kerd: “Dewleta Tirkî ya dagîrkere verê çimanê dinya de çîyê winasî kerdî, no seba hêzanê ke hemkarîya ci kenê şermêk o. Dewleta Tirkî se bikera zî nêşêna bi înan. Ma do ewja de rojnamegerîye bikerê û rastîyan biresnê raya pêroyî.
SERÊKANÎYÊ