Çalakîya grevê vêşanî ya Nurîye Gulmene û Semîh Ozakçayî roja 190. de dewam kena. Gulmene û Ozakça bi hawayo zorî neqlê Nêweşxaneyê Zîndanê Sîncanî bîybî û hîna zî ewja de yenî vindarnayîş.
Doza Gulmene û Ozakçayî do ewro saete 13.30 de Edlîyeya Anqara de bêra dîyayîş.
Hemsereka Pêroyî ya HDPyî Serpîl Kemalbaye seba doza Gulmene û Ozakçayî veng daye. Kemalbaye ser hesabê Twîtterî yê Merkezê Pêroyî yê HDPyî ra bi vîdeoyêkî vengdayîşê xo kerde.
Wa herkes beşdar bibo
Kemalbaye vîdeo de bale ante ser xoverdayîşê Nurîye û Semîhî ser û wina va: “Nurîye û Semîh domanê şarî yî. Seba heq, huqûq û edaletî bi aşman o ke grevê vêşanî de yî. Ma bi hawayo baş zanî ke edalet bi kesê ke vernîya otorîteya sîyasî de vernîya cubbeya xo padenî reyde nîno. Edalet ancax ma wayîrê Nurîye û Semîhî bivejyî û piştîdayîş û têkoşînî berz bikerî, yeno. Cok ra ez veng dana herkesî ke wa beşdarê doze bibî.”
ANF/ ANQARA