Polîsan Edene de bi zor, tehdît û zextan ciwan û domananê kurdan ser de ajanîye ferz kenî. Nê ciwanan ra yew zî Selman Şenî yo û Şenî dîyar kerd ke polîsî ci ra vatî ‘ya ti yê hetkarîya ma bikerî, ya zî do ciwanîya to heba biba.’
Taxa Denîzlî ya qezaya Seyhan ya Edeneye de doman û ciwananê kurdan ser de ajanîye yena ferzkerdene. Polîsî tax û kuçeyan de doman û ciwanan vindarnenî û bîla sebeb înan derb kenî û tepişenî. Nê ciwanan ra yew zî Selman Şenî yo. Şenî 14ê Sibate de ame tepiştene û dima ra bi şertê kontrolê edlî serbest ame veradayene. Şenî da zanayene ke binê çiman de polîsan ci derb kerdî û tehdît kerdî. Şenî dîyar kerd ke polîsan 7 domanê ke emrê înan 18 serrî ra şenik bî zî tepiştbî û polîsan înan ra vatî ‘Pîlî no name bi şima kerdo û serê şima kerdo bela. Şima zî serê înan bikerêne bela. Wa serê şima nêkewo bela.’
EDENE