Moderatorîya sempozyumî helbestvan Hasan Erkul kerd û zey qiseykerdoxê zî sempozyum ra rojnamegerê Rojnameya Agosê Yetvart Danzîkyan, temsîlkarê Nor Zartonkê Murat Mihçi, nuştox Pakrat Estukyan, temsîlkarê Kovar Vaşûrî Çetîn Dede û nuştox Ayşe Hur beşdar bîyê.
Sempozyum sifteyin bi rêzgirewtişî dest pê kerd, peynî zî rojnameger Yetvart Danzîkyan qise kerd. Danzîkyan vat ke di pêroyina dinyayê de terteleyê amey kerdiş la di zaf hûmarîy de welatê terteleyê rî bi rî amey la belê 100 serra ke dewleta tirk terteleyê Ermenîyê reyde rî bi rî nêameyo.
Terteleyî rê yew bîye
Danzîkyan aşkera kerd dewleta tirk tena terteleyê Ermenîyê nê kultur û hunerê ermenîyan zî înkar kena, çimkî peynîya terteleyê di zaf hûmarîy de kîlîse zey axorê heywanan amey şuxulnayiş, Hrant Dînk sifteyin bi xeberê Sabîha Gokçen de hedef kerdîy û peynî zî heme mekanîzmayê dewletê yew bîyê Hrant Dînkî qetil kerd.
DÎHA/STENBOL