CAFER CAFO/XANDÎ ELO / ANHA/ŞEHBA
Dewleta Tirk û çeteyanê ci Efrîn de mîyanê 2 aşmê, zaf hûmarî de sivilê qetil kerdê, na rewşe zî sûcê şerî ya. Babete ser o Endamê Heqê Merdimeyî yê Efrînî Cibraîl Mistefa aşkera kerd ke çeteyanê Dewleta Tirk bi zanayiş sûcê şerî kenê, taybetî serra 2020î de şuxilnayişê çeteyanê sûcê şerî hîna bi zaf bîyê, Şehba de koçberan hêrişê Dewleta Tirk ra zirar vînenê.
Projeyê Mustafa Kemalî yo
Mistefa aşkera kerd ke Kantonê Efrîn û Şehba de qetilkerdişê sivîlan domyenê, misal dewa Aqîbe de eynî malbatî ra 3 kesî ameyî kiştiş û 3 kesî zî birîndar kewtê û wina vat: “Armancê Dewleta Tirk mintiqa de bedilnayişê demografîye yo, eynî polîtîkayê xo Kurdistanê Vakûrî de şuxilnena. No proje zî aîdê Mustefa Kemalî yo.”
Perwerdeyî ra dûr mendî
Mistefa pare kerd ke bombevaran ser o domanî perwerdeyî ra dûr mendê û wina qedîna: “Malbatî tersî ra nêeşkenî domananê xo bierşawê wendegehan. Camî ra zî bombe eştî. Nika sûcê Dewleta Tirk ê şerî bi belgeyan ameyî raştkerdiş, sazîyê mîyanêneteweyî zî bi aşkereyan şermezar kerdê.”