Hêzê dewleta tirkî û çeteyanê ke ci, roja ke Efrîn dagîr kerdî ra nata sîvîlan ser o wehşet domnenî. Çeteyî tena nînan reyde sînordar nêmanenî, zeytûnan xesp kenî û eseranê tarîxî yê bajarî zî tirawenî. Reyna çeteyê ke girêdayeyê dewleta tirkî yî, asinê asinrayîrê trêne yê dewa Meydan Ekbesî tirawenî.
Goreyê çimeyê herêmî, çeteyan qezaya Cindirêsî de seba ke zeytûnanê ci xesp bikerî, îşkenceyê sivîlo bi nameyê Îbrahîm Îboyî kerdo. Dagîrkerî tena mal û milkê şarî xesp nêkenî, dewa Meydan Ekbesî ya qezaya Raco de asinê asinrayîrê trêne tirawenî û erşawenî Ezaz. No asinrayîr mabênê serranê 1911 û 1913î de hetê şîrketê almanan ra amebî viraştene û serra 2009 ra nata nîno şuxulnayene.
Çeteyî Efrîn de tayê cayanê tarîxîyan kinenî û eseranê tarîxîyan tirawenî û Tirkîya de roşenî. Heta nika xeylê dezgehê çapemenîya mîyanneteweyî zî dîyar kerdî ke xeylê eserê tarîxî nika muzeyanê dewleta tirkî de yî. Xeylê dîmen û fotoyê ke resayî ANHA de aseno ke çeteyê dewleta tirkî cayanê tarîxîyan kinenî. Heto bîn ra ame musayene ke leşker û çeteyanê dewleta tirkî endamê El-Partî avûkat Sadiq Necarî remnayo. Necar nîno zanayene ke nika kura de yo.
ANHA / EFRÎN