R.Tayîp Erdoxan û Ehmed Davudoxlî yê dewşîrme paşt da yo yewbîn û semedê hukimranîyê xo pêronê dinya erzenê adir.
Rojavayê Kurdîstanê , Başurê Kurdistanê û Surîye eşt mîyanê adir. Yemen zî eşt mîyanê adir. Nê welatan de kam ameyo kiştiş, sucdar û qetilkerên înan yê esil R.Tayîp Erdoxan û Ehmed Davudoxlî yê. Seba şarê kurd Rojava û Başurê Kurdîstanê de azad nêbo, Kurdîstana Azad nêyero awankerdiş, çeteyên DAÎŞ, El Nusra, Ahrari Şam û Lîva Tevhîd hetê Erdoxan û Davudoxlî înan ameyê awankerdiş, nê çeteyê şirawitî ser şarê kurd.Pê nê çeteyan Hesekê, Kobanê, Şengal û Kerkûk û cayê bîn de komkiştkerd.
Erdoxan û Davudoxlî hina dişmenê şarê kurdê ke, pêronê şarê kurd bikişê û gunê şarê kurd birijnê reyna mirdî nêbenê.
Nika zî her di dişmenê şarê kurd seba ke, weçînayîşê 7’ê Hezîranê de reyna bibenê hukimran, çi destê înan de yenî kenê. Her dîyan dî ke, problemê HDP yê bend nêmendo, destpêkerd provakasyanan virazenê. Eskerê Tirk şirawenê ser gerîlayên Kurdîstanê, wazenê hina eskeran bidenê kiştiş û ser kiştişê eskeran propagandayê weçînayîş bikerenê.
Verê cû Mêrdîn, Colemêrg, Gever, Sêrt, Farqîn û Gimgim de eskerê tirk şirawitê operasyonê.
Şewa 10’ê Nîsanê de bajarê Agirî de koyê Tendurekê de operasyon da destpêkerdiş. Encamê operasyonê de welatparêz û pêşengê Şarê Kurd Cezmî Budak û gerîlayê HPG’ê Canfeda Serhat(Serhat Kizilay) şehîd kewtî. Cenap Îlboxa zî birîndar bi. 5 eskerê tirk ameyê kiştiş, 7 eskeri zî birîndan bîyê.
Bi dazanayîşa HPG û vîdeoyê ke DÎHA antî rastiya no operasyonê zelal bi. Eskerê Tirk ayê ke operasyonê de ca girewtî ayê zî vanî, kam ma şirawitê operasyonê înan ra hesab persbikerenê. Reyna eskerê tirk şarê kurd rexne keno û vano: Rayanê medenê AKP, R.T.Erdoxan û Ehmed Davudoxlî ucaxî eyê ze nêeşkenê ma bişirawinê operasyonê.
Bi heme nê delîl û qiseykerdişan vejîya werti ke AKP’yî, Ehmed Davudoxlî û R.T.Erdoxan seyî zurkerê.
Baw û kalanê ma vato ya; “Eyarê bênamûsan hera yo.” Eynî hinawo la zêdeyîro. Eyar meyarê înan zî çino. Çermê înan zî çîno. Beden û rîyê pêronê AKP’yî, Davudoxlî înan sey qîrê sîya yo.. Sey qîrê sîya yo.
Destê înan de çi yeno texsîr nêkenê. Dinya pêro bîyero pêser, reyna R.T.Erdoxan û Ehmed Davudxolî ayê xo ra nêyenê war.
Seba hukimraniya xo zê Dehaqî gunê ciwanê kurd û şarê kurd wazenê.
Seba hukimranîya xo tenê gunê şarê kurd ne, gunê ciwanê tirk zî wazenê.
Ne Ehmed Davudoxlî, ne zî R.T.Erdoxanê de wijdan çino. Exlaq çino.
Nê her dîyan de qase zerre misqal însanîyet zî nêmendo.
Kurdîstan hetanê her dîyan û AKP’yîyan ra xelasnêbo, nêbeno.
Gera şarê kurd, weçînayîşê 7’ê Hezîranê de dersêk gird bido, nê her di Dehaqan(Ehmed Davudoxlî û R.T.Erdoxan)