Pisporê leşkerî yê rûsî Konstantîn Sîvkovî derheqê rewşa Sûrîye û statuyê kurdan de qisey kerd û melumatê muhîmî pare kerdî.
Pispor Sîvkovî qiseykerdişê xo de va ‘badê ke rêxistina terorîst DAIŞ Sûrîye de têk şî, Amerîka ancax Sûrîye de estena xo ya leşkerî bi awankerdişê herêma xosere ya kurdan eşkena bipawo. Eke wina nêbo îxtîmal esto ke Amerîka qerargehanê xo yê leşkerîyan de hepis bibo.”
Sîvkovî dewamê qiseykerdişê xo de bale ante xoserîya kurdan ser û wina va: “Eke Amerîka wazena Sûrîye de bimana, ganî seba nêyî sebebêk nîşanê Şamî bida. Ez bawer kena ke eke Amerîka xoserîya kurdan nêşinasno, do nêşênbo estena xo ya leşkerî Sûrîye de bidomno. Heto bîn ra eke Amerîka xoserîye nas bikero, o wext do têkilîyê Anqara û Washîngtonî xira bibî.”
ANHA/QAMIŞLO