Ertugrul Mavîoglu û Çayan Demîrel seba ke derhênerîya belgefîlma ‘Bakur’î kerdbî, 4 serrî 6 aşmî cezaya zîndanî girewtî. Reyna mehkeme derheqê Mavîoglu û Demîrelî de qerarê qedexeyê vejîyayîşê teberê welatî zî dabi. Mavîogluyî vera qerarî de reaksiyon nîşan da.
Mavîogluyî va ‘belgefîlma Bakurî serra 2013î de wextê prosesê çareserîye de ameye antene’ û wina dewam kerd: “Fîlm 2015 de ame nîşandayene, labelê 2 serrî ra dima Mehkemeya Cezaya Girane ya 2. ya Êlihî doze akerde û 4 serrî 6 aşmî ceza dîyaye ma. Ma sebebê ceza nêzanî. Çimkî ma ra nêameyo vatene. Ma paweyê taloqkerdişî bî, çimkî ma pawitişê xo nêkerdbi. Labelê mehkeme bê ke lazimîye bi îfadeyanê ma bivîno, ceza daye ma.”
Mavîogluyî wina domna: “Cezaya ke dîyaya ma, cezayanê akademîsyenan ra, tewqîfbîyayîşê wendekaran ra û tewqîfbîyayeyanê sîyasîyan ra cîya nîya. Mi azadîya fikrî ser o ceza girewte. Her hetê komelî ser o zextî dewam kenî. Roşinvîrê welatî destûr nêdano ke welat tarîtîye de bimano. Eke roşinvîrî bêveng bimanî, o wext ma tarîtîye de manenî. Eke ma tarîtîye de bimanî welat beno cehenem. Ganî ma destûr nêdî nêyî. Cok ra ganî ma fek heqîqete ra veranêdî.”
MA / STENBOL