Leyla Şeylemez eslê xo Licêya Amedî ra ya la serra 1978’ê malbata Şaylemezî Mersînî koç kerd û Leyla zî di Mersînî de ame dinya. Pîyê Leyla Şaylemezî, Cumalî Şaylemez cuyayişê Leylayî ser qise kerd.Şaylemez aşkera kerd ke Leyla bi vindertişê xo tîpîk cenîya kurd di şaxsîyetî xo de kiştbi û wina vat: “Peynîya şinasnayişê vîrdozîya PKKî, newe yew kesayetî girewt û bi fikrê xo komeleyî zî pîl bi. Serra 2008’ê dewleta tirk kurdan operasyonê xo zaf kerdbî û dema ke lejkerê Zap û Botanî operasyon viraşt no demî Leyle no zilmî qebul nêkerd û biryarê beşdarbîyîşê PKKî girewt. Şaylemez di cuyayişê xo de seba azadkerdişê şarê kurd ser her tim têkoşîn da û cuyayişê xo tay çikê zî bi serfirazî ard cayê xo. Qetilbîyîşê Leylayî neyarî ra tersa ke gird da û nika nameyê doamê bi hezaran kurd Leyla ya.”   

Dadgerî ra bertek
Şaylemez ciresna ke doza terteleyê Parîsî de di dadger elaqadar bîynê û wina vat: “Ma dadgera cenî reyde 16 hezîrane 2014’ê ma amey yew ca û ma dadgere vat; terteleyê ser di serre vîyart la hema zî esil qetilkaran dîyar nîyê. Dadger zî ma ra vat; ê ser dosyayê bi tîtîzî xebityenî û dosyayan di Enqereyî de banê MÎTî ra şîyo la ber di MÎTî de ameya qefelnayiş. Eke Ewropa vano se; ez demokrat a ganî na rewşe bivîno.”
Şaylemez şarê tirk ra veng da û wina dewam kerd: “Peynîya terteleyan kurdan nêçare Ewropayî ra koç kerd û Ewropayî de zî amey qetilkerdiş. Hetanê şarê kurd azad nêbo do şarê tirk zî azad nêbo. Şarê tirk no hişyarî de bibo û no zî zey yew wezîfe bihesibno. Senî nika dinya ma ra zîndan kenî do şarê tirk ra zî dinya zîndan bikerî û ê zî do azadîya vin bikerî.”

Di Kobanê de bibîynê
Şaylemez ciresna ke bi sayeya xoverodayişê Kobanê heme fikrê dinya seba kurdan bedilya, heme dinya vîneno ke di Ewropayî de çi yenî qewimyayiş, taybetê rojê peynî pêroyina dinya kurdan ra elaqa mojnena.
Şaylemez wina vat: “Hetanê nika dinya kurdan çimê nêyarî kurdan ra şinasnaynê, zey terorîst kurdan ameynê lansekerdiş. Dinya ona ma şinasna. Bi Kobanê merdimatîya kurdan xelisya. Eke do Leyla biciwîyaynê do a zî di Kobanê de bibîynê. Min şî ser goristanê Leylayî û min Leylayî soz da hetanê peynî do rayîrê to ra ez bimeşa.”

Maya Leyla Şaylemezî, Şîfa Şaylemez zî vat ke Leyla zaf waştê şîra Newroza Amedî û wina peynî kerd: “Leyla tena kênaya min nê zey embaza min bi. Min ra persaynê rayîrî çi yo, min zî vat; rayirê azadî û merdimatî yo û eke yew kes biwazo seba kurdan çik bikero no rayîr, rayîrê raşt o.”

STENBOL