Gulden Gozutok ke emrê xo yê werdî de rolê civakî qebûl nêkerd nika tekoşîna xo dikanê deştişî de dana ramiten. Gozutok ard ziwan ke bado ke zewicyaya ra dima karê xo yê deştişêcilan viradayo û wina dewam kerd: “Mi konfeksîyone de destpa karî kerd. Wextekê ra dima mi karê konfeksiyonî verda, la mi keye de zî sîparîşan girotî. Meywe û zerzewatê ke mi baxçeyê xo de resnaybî mi rotî. Wexto ke ez nêxebtîyena ez xo rehat hîs nêkena.
Êşkenê xo raver berê
Gozutok ke xo rê dikanê deştişî akena wina qisey kena: “Ez mane nêdana cinîye ke camêrdan xo rê zey garantî vînenê. Eke cinî biwazê êşkenê her warî de xo raver berê. Destê cinîyan ra pêrokîn kar yeno.” Gulden Gozutok vist vîrî ke camêrdî nêwazenê cinî kar bikerê û bi qewet bibê.
DÎHABER / EDENA