SEMRA TURAN / MA / DÊRSIM
Kultur û ananeyê kurdan vera asîmîlasyon û kulturê modernî de xover danî. Kurdî heta nika qet fek ananeyanê xo ra veranêdayî. Nê cayan ra yewe zî Dêrsim o. Dêrsim vera her tewir polîtîkayanê asîmîlasyonî de ananeyê xo paweno.
Bi hezaran serran o ke Dêrsim de şelwarî yenî pay kerdene û no kultur sey ananeyî neslêk ra neqlê neslêko bîn beno. Şelwarî tewr zaf raştê eleqeyê cinîyan yenî. No eleqe teberê welatî de zî esto. Cinîyê ke yenî Dêrsim, bi tesilî şelwarî pay kenî û wexto ke şêrî cayêk şelwarî xo reyde benî.
Bi nameyê Medîne Gedîke de cinîya 54 serreyî zî 30 serrî yo qezaya Pulurî ya Dêrsimî de şelwaran derzena û roşena. Gedîke va ‘eke şelwarî bibî, Dêrsim esto, çinêbî Dêrsim çin o’. Şelwarî seba ma zaf muhîm î. Ez serê sibayî saete 5.00 de dest pêkena û heta ereyîya şewe dewam kena. Wexto ke mi ewil dest pêkerd, cereyan çinêbî, ma binê lembaya gazî de bi destan şelwarî deştêne û rotêne. Dima ra mi xo rê makîne herînaye. Mi serrê 1980î de bi şelwaranê xo şîya Stenbol û o wext ez zaf raştê heqaretî ameya. Labelê dima ra mi soz da xo ke ez do şelwarî bi herkesî bida hes kerdene. Ewro heme dinya zana ke şelwarî seba çiqas bierj î. Ez wexto ke şelwaran pay kena, zaf kêfweş bena.”