Çend rojî verê cû Elî Bulaç yew nuştê weşana. Elî Bulaç nuşte xo de vat ke, “MÎT’ê Tirkî serranê 1970’an de zafê merdimê Îslamî kerdî endamê xo. 

Ayê ke endam û azayîyê MÎT’î qebûl kerdibî, nika zafê înan zereyê AKP de ca gênî. Hema hema pêronê înan bîyê wezîfedarê dewletî.”

No nuştê Elî Bulaç dima ra cewabê yewinî Newzat Çîçek da. Çira yewê bîn cewab nêdano la hewe ewilî Newzat Çîçek cewab dano?

Têna no çi de ne, zafê çîyan de hewe ewilî Newzat Çîçek cewab dano. 

Wexto ke ser AKP rêxne benî, Newzat verênîyê her kesî de AKP paweno.

Wexto ke ser eleqê AKP û çeteyên DAÎŞ, Ahrari Şam, Ceyşul Îslamî, El Nusra qeseyêk beno, ca de Newzat Çîçek hadre yo.

Hazir û nazir o. Amede yo.

Destpêkeno û vano, “ Ti eleqeyê AKP û çeteyên Vahabî û Selefîyan çino.”

Newzat Çîçek nika zî ser nuşteyê Elî Bulaç yew nuşte nuşto û vano, “AKP, Îslama rast ana.”

Zerare ke AKP dawa Dîne Îslam, Newzat Çîçek wazeno no zerarî binimno.

AKP, raste rast çeteyên DAÎŞ, El Nusra, Ahrari Şam û Ceyşul Îslam û ayê bînan rêxistinkena, reberîya înan kena, pêronê înan pê fermanê AKP hêrîşe Rojava û şarê Kurd kenî. Şarê Kurd kişenî. Keyna û cinîyê kurd remnenî. Dest erzênî namûse şarê kurd. Dest erzenî mal û milkê kurd. Mal û milkê kurd talan kenî.

Newzat Çîçek nê çetayan û AKP paweno.

Newzat Çîçek nika zî ajananê MÎT’ê Tirkî yê ke bin nameyê Dînê Îslam ajanîyê MÎT’ê Tirkî kenî, bîyo avûkat û pawitoxe înan. 

Eger û eke Newzat Çîçek zî ajanê MÎT’ê Tirkî nîyo, çira paştê ajananê MÎT’ê Tirkî  gêno?

Eger û eke Newzat Çîçek zî ajanê MÎT’ê Tirkî nîyo, çira Kurdê Zaza, şarê Kurdî ra cîya nîşandano. Wazeno şarê kurd lete lete bikero, bêhêz bikero?

Eger û eke Newzat Çîçek zî ajanê MÎT’ê Tirkî nîyo, çira tim û tim gore vînayîşê MÎT’ê Tirkî hemberê şarê kurd û HDP nuşteyan nusneno?

Eger û eke Newzat Çîçek zî ajanê MÎT’ê Tirkî nîyo, senî rêxistinê çeteyan yên girêdeyîyê MÎT’ê Tirkanê sey Ahrari Şam(Ebu Cebîr û Ebu Abdullah) û El Nusra înan ra roportajan virazeno û weşanano?

Eger û eke eleqeyê Newzat Çîçekî çeteyên Ahrari Şam û El Nusra înan ra çino, çira tim û tim sîteya TİMETURK û Rojnameyê Dîrîlîş Postasî de propagandayê înan keno?

Zobî, ma zanî Newzat Çîçek qezeya Semsûr Alduş(Gerger) ra yo. Semsûr de zafê ciwanan hetê MÎT’ê Tirkî ra yenî xapnayîş û dima ra şinî kewnî mîyanê çeteyên DAÎŞ, Ahrari Şam û El Nusra înan.

Eleqeyê şîyayîşê nê çeteyan û Newzat Çîçek çi yo?