Temsîlkarê rêxistinanê elewî yê Stenbol zî aşkere kerdî ke iyê dê zî vurîyayîşê (bedilîyayîş) qanûno bingeyî ke mîyan de “Sîstemê Serekîye” esto rê vajê NÊ. Temsîlkaran vistî vîrî ke iyê dê na aşma xeyrî de bi Hîkmeta Xizirî vajê NÊ.
Hemserokê Şaxa Komeleya Elewêyê Demokratîk (DAD) yê Stenbolî Bulent Felekoglu, dîyar kerd ke iyê dê karekê xeyrî bikerê û vajê NÊ. Felekoglû ard ziwan ke ganî her kes seba xeyra Tirkîye vajo NÊ.
Elewî bi yew vengî vanê NÊ
Sekretera Rêxistina Cinîyan yê Federasyona Elewiyê Bektaşî (ABF) Sevîm Yalincakoglu zî ard ziwan ke tarîxa Komara Tirkîye ra na het elewî her tim yew vengîye. Yalincakoglu da zonayen ke zey ABF înan pêrokîn sazgeh û dezgehê elewîyan geyrîyayê û va, “Heta nika kesî nêvate “E”. Elewî bi yew vengî vanê NÊ. Sevîm Yalincakoglu aşkere kerd ke iyê dê gureyînê NÊ de sebebê ‘çima vanê nê’ her kesî rê vajê û seba NÊ herkesî rêxistin bikerê.
‘Seba ameyoxî NÊ’
Sekreterê Rêxistina Pêroyî yê Federasyona Elewiyê Bektaşî (ABF) û Serokê Cemxaneya Sultangazî Pîr Sûltan Abdalî Zeynel Odabaşî zî referandûmî de hayr ant tercîxê NÊ ser û va, “NÊ tenya wezîfeyê elewîyan nîyo.” Odabaşî waşt ke pêrokîn beşê Tirkîye vajê NÊ û da zonayen ke seba seveknayîşê (pawitiş) demokrasî ganî her kes vajo NÊ. Zeynel Odabaşî aşkere kerd ke zey ABF iyê dê seba ameyoxê (îstîqbal) xo vajê NÊ.
DÎHABER/STENBOL