Meşrûkerdiş û cezanêkerdişê îqtîdarî ver roje çin a ka cinîyî nêrî qetilkerdene. Bitaybetî demanê peyênan de hema vaje her roje cinîyî kişîyenî û mehneyanê cîya-cîyayn ver hetê camêrdan ra yenî qetilkerdene.
Platformê Ma Do Qetilbîyayîşê Cinîyan Vindarnê raporê aşma Êlule de şîddeto ke vera cinîyan de bîyo aşkere kerd. Goreyê raporî tena aşmêk de tewr tay 53 cinîyî ameyî qetilkerdene. Mergê 11 cinîyan sey mergê bişikî ameyo qeydkerdene û sebebê mergê 31 cinîyan zî nêameyo tespîtkerdene.
Rapor de ameyo vatene ke zafaneyê cinîyan hetê mêrde û merdimanê xo yê camêrdan ra ameyî qetilkerdene. Reyna ameyo vatene ke heta ke sebebê qetilkerdişî û hetê kamî ra ameyî kiştene nêrê zelalkerdene û qetilkarî nêrê cezakerdene şîddetê verê cinîyan de do dewam bikero. Goreyê raporê peyênî yê platformî emser pêro pîya 354 cinîyî ameyî qetilkerdene. Na hûmare tena qetilkerdişê ke ameyî eşnawitene ya. Beno ke na hûmare ra hîna zafêr cinîyî ameyî qetilkerdene.
JINNEWS / STENBOL