Rewabûna dadgehê nîne
Piştî heyeta dadgehê li cihê xwe rûnişt, parêzeran Mehmet Emîn Aktar, Meral Daniş Beştaş, Mûstafa Ozer û Firat Epozdemîr mafê axaftinê girtin û ji heyeta dadgehê xwestin ku xwe ji dozê vekişînin. Parêzeran destnîşan kirin ku dadgehê "rewabûna" xwe winda kirine û bi çavekî siyasî li rûniştin û darizandinê dinêre.
Dewama dadgehên îstîklalê
Heman piştî parêzeran Hasan Huseyîn Ebem li ser navê hemû siyasetmedarên Kurd ên girtî mafê axaftinê kir û ji heyeta dadgehê ji bo parêznameyê bixwîne destûr xwest. Ebem di destpêka parastina xwe de got, "Tiştên ku Dadgehên Îstîklalê li Kurdistanê anîn serê Kurdan, îro ev dadgeh heman tiştî dikin" û li ser vê gotinê serokê dadgehê mîkrofon girt.
Dadger protestokirin
Li ser vê yekê parêzeran nerazîbûn nîşanî heyeta dadgehê dan û gotin "hûn nikarin paristinê asteng bikin." Serokê dadgehê jî îdîa kir ku parastin bi tenê der heqê îdîayan de dikare bê kirin û metna hatiye xwendin li derveyî parastinê ye. Li ser vê yekê hemû siyasetmedarên girtî û negirtî, temaşevan û gelek parêzer rabûn ser piyan û bi lêdana çepikan dadgeh protesto kirin. Heyeta dadgehê daxwaza parêzeran a "vekişîna heyeta dadgehê ji dozê" red kir.
AMED