Emekçî o ke Dersim ra yo, bi serrano serva heqanê kurdan tekoşîn kerd, emeg da, sûk bi sûk tewrê nûmayişan bi. Mûnzûr Emekçî organîzatoranê nûmayişa ‘Nobeda Ocalan’î rê Azadî’ ke 25ê Hezîran 2012 de Strasbourg de destpa kerd o. Aktivîstê dawa ya kurd Emekçî 3 serrî bi na nûmayiş ra eleqedar bi, pêrokîn nûmayişkarê ke şî nobed de ca girotî pêşwazî kerd.
Mûnzûr Emekçî ke 1 serrî yo bi nêweşiya qanserê pişika siya ra tekoşîn keno vizêr weşiya xo kerd vinî. Cenazeyê Emekçî do sûka Fransa Strasboûrg de defin bibo. Emekçî ke eslê xo de kirmanc o xêlê reynî çapemenîya kurd rê qisey kerd û derheqê nûmayişa nobed de zonayişî bare kerd. Emekçî herzewbîn 11ê Nîsan 2014î de rojnameyê ma reyde zî qisey kerd bi û aşkere kerdbi ke, bi nûmayişê nobed ra piya, ewniyayişê Awrûpayîjan zî vûrniya. Emekçî dabi zonayen ke, wextê destpakerdişê nûmayiş de vera înan zaf êrişî viraziyaybî.
Emekçî zewbîn niya qisey kerd bi: “Reîscûmhûrê Tirkiye Erdogan bi raya dîplomatîk waşt nûmayişê ma biqedîno. Êrişê ke vera ma benê, ma pûç vetî. Endî şarê Strasboûrg ma rê hurmet gênê. Ma xêlê îmajî vûrnay.
ANF/STRASBOÛRG