Emekçî ke Dersim ra yo û bi serranê derg o dawa serbestî yê kurd rê xîzmet kerd. Emekçî ke organîzatoranê nûmayişa ‘Nobeda Ocalan’î rê Azadî’ bi, 3 serrî bi na nûmayiş eleqedar bi. Welatperwerê kurd Mûnzûr Emekçî ke 1 serrî yo ke dûştê nêweşiya qanserî dano xover, roja Çarşeme şi raya heqî. Serva Emekçî vizêr Navendê Civaka Kurd yê Strasboûrg de merasîm viraziya û pey coy mezeleyê Rotende de ame definkerdiş. Xêlê siyasetmedaranê kurd ra piya bi desan welatijî tewrê merasîm bî. Merasîmê definkerdiş de bi kirmanckî lorikî vajiyay.
Her tim welatê xo cuwya
Hemserokê KONGRA GEL Remzî Kartal’î merasîm de qisey kerd û va, ‘ma jew alwozê xo yê zey Îsmaîl’î vindî kerd’. Kartal’î vist vîrî ke Emekçî dawa serbestî yê kurd de xêlê wezîfe girot û ked da û aşkere kerd ke ganî malbat û şarê kurd ey xo rê zey mînak bigîrê.
Sembolê emegî bi
Temsîlkara Hereketê Ceniyanê Kurd yê Awrûpa TJK-E zî vist vîrî ke Emekçî bi sembolê tekoşînê Awrûpa û niya va: Cuwyayişê ey her tim tekoşîn bi û jew keso ke girêdayê hard û Rayverînê xo bi“. Nûştox û azayê Înisiyatîfê ‘Ocalan’î rê Serbestî’ Fûat Kav’î zî da zonayen ke Mûnzûr Emekçî nêva hamnan, zimistan her tim serva şarê xo gurîya.
KCD-E û TJK-E zî bi jû aşkerekerdişa nuşteyî Emekçî vîrard û sozê berzkerdişê tekoşînê Emekçî da.
ERKAN GULBAHÇE/STRASBOÛRG