Çend rojî ver doza KCKyî de roniştişê peyên ame dîyayîş û netîce de 99 sîyasetmedaranê kurd ser de ceza ame varnayîş. Avûkatê Heyetê Huqûqî yê DBPyî Şîrvan Cemîl Ozenî babete ser o qisey kerd.
Ozenî wina va: “Hewldayîş û xebatê sîyasetmedaran suc hesibîyeno û bin nameyê ‘endamê rêxistine’ de ceza dîyeno. La prosesê temyîz û hukmî esto. Ma do taqîpkarê doze bibî.” Ozenî vist vîrî ke ‘emnîyet ra kesêk rojêk mehkema ra ver Kamuranî gêreno û vano; ganî ti bêrî emnîyet’ û wina dewam kerd: “Hedefê înan îfade girewtiş û rojêk dima ra zî tepiştişê Yuksekî bî. Goreyê ma komployêk ame viraştiş. Bi dayîşê ceza, tepiştiş û durîvistişan sîyaset nêqedîyeno. Ma sîyasetê demokratîk û aştî pawenê. Ma do xover bidî, çîyo weş xoverdayîş o. Ma do doze bikirêşî Mehkemeya Mîyanneteweyî.”
AMED