Verfekê Meclîsê Leşkerî yê Minbicî Şervan Dervîşî derheqê hêrişê artêşa tirk û komê OSO yê vakurê rojawanê Minbicî û vera dewanê Babî de qisey kerd.
Dervîşî va ‘ma do vera hêrişê artêşa tirk û OSO de bêveng nêmanî’ û qiseykerdişê xo wina domna: “Ma do bi piştîdayîşê Hêzê Sûrîyeya Demokratîke (QSD) Minbicî bixelisnî. YPG seba ewleyîya bajar û perwerdekerdişê şerwanan hetkarîya ma keno. YPGyî 19ê teşrîna peyêne de heme hêzê xo Minbicî ra anto û bi xo antişê YPGyî ra dima hêrişê artêşa tirk û komê OSO zêde bîyî. Ê vanî qey Hêzê Leşkerî yê Minbicî zeyîf î, la wa bizanî ke 5 hezarî şerwanê ma estî. Demê peynî de bi seyan ciwanî zî beşdarê ma bîyî. Ma do qat bi qat cewabê hêrişan bidî.”
Ti kes nêşkeno înkar bikero
Dervîşî dewamê qiseykerdişê xo de va ‘bi hêrişê artêşa tirk û OSO de çend hedefê înan estî’ û qiseykerdişê xo wina qedêna: “Nê hedefan ra ya sifteyîne cayê ke DAIŞî ra bêrî pakkerdiş, do bin kontrolê kamî de bibî, ya dîyine zî astengkerdişê operasyonê DAIŞî ya. Çimkî mîyanê DAIŞî de têmîyanîyêk esto û DAIŞ êdî nêşkeno şer bikero. Emrê DAIŞî yeno dergkerdiş. Eke dewleta tirk nêbîyêne, çeteyê DAIŞî do heta Heleb biameyêne pakkerdiş. Ê bi hawayo aşkere hetkarîye danî DAIŞ û ti kes nêeşkeno nêyî înkar bikero. Bi hêrişê înan bi hezaran welatîyî ca û warê xo ra koç kerdî û bi seyan kesî zî ameyî qetilkerdiş. Hêzê ke Minbicî azad kerdî, eşkenî Minbicî bipawî zî. Nika vera nê hêrişan de bêvengîyêk esto û ganî na bêvengîye biqedîya.”
ANHA / MINBIC