Fermandarîya Pêroyî ya YPGyî îzehetêk daye û dîyar kerd ke vera çete û hêzê ke hetê îstîxbaratê tirkî ra ameyî wezîfedarkerdiş de çalakîyî ameyî viraştiş. Goreyê îzehetê fermandarîye bi nameyê Cemal El-Zaglulî de çeteyo ke hetê MÎTî ra ameyo wezîfedarkerdiş, ameyo kiştiş. Dewamê îzehetê de wina ameyo vatiş: “No kes terorîst û keyeyan ano Efrîn de bica keno û demêko derg o ke hetê YPGyî ra ameyo taqîpkerdiş. Verê cû nê kesî 2 reyî Tirkîya de endamanê MÎTî reyde pêvînayîşî viraştî. Nê kesî dewa Basûtê de bi hoparlorî veng dayêne şarî û vatêne goreyê şerîatî cilan xoradê. Hêzê ma 2 rojî verê saete 19.00 de wesayîto ke El Zaglul zî tede bi hedef girewtî. Çeteyê Feylak El Şamî waştî mudaxale bikerî, labelê ê zî ameyî hedef girewtiş. Netîceyê çalakîye de 3 terorîstê bînî zî ameyî kiştiş û 2 wesayîtî ameyî îmhakerdiş.” Fermandarîye vato ‘hêzê ma do yê ke dewleta tirkî reyde mîyanê têkilîye de yî hedef bigîro’ û wina qedêna: “Ma hemînan hişyar kenî û vanî wa nêbî babeta bazarîya lêmine. Ma yewna rey xoverdayîşê şarê xo silam kenî û sozê azadkerdişê Efrînî dibare kenî. Çiqas domîyeno wa bidomîyo, ma do têkoşînê xo heta ameyeyêka roşne bidomnî.” ANF/EFRÎN