Qezaya Serêkaniyê Riha de Murat Dagtekîn serra 2013î de bi îdiaya ‘Endamê rêxistinbîyayişî’ ceza girewt, 6 serrî zî hepisxane de mend. Peynîya tehlîyebîyayişî Dagtekîn waşt bibo endamê HDPî la musa ke endamê AKPî yo.Dagtekîn bertek nîşan da û vat ke hetanî nika qet elaqaya ey AKP reyde nêbîyo, senî ke girewtişê ci bêhuquqî bî, endamkerdişê ci AKPî zî bêhuquqî yo.
Bêxebera ci kerdê
Dagtekîn aşkera kerd ke o ewraqê xo hadre kerdo ke bibo endamê HDPî, peynî e-Dewlet ser o cigêrayiş kerdo ke endamê AKPî yo, bêxebera ci, o kerdî endamê AKPî û wina domna: “Ez qet verê AKPî daxî nêvîyarta la min kerdî endamê xo. Şaş menda, senî ke hepisxaneyê de mendişê min bêhuquqî bî, endamkerdişê min ê zî AKPî zî wina bêhuquqî yo. Verê kerdişê sîyasetê min gênî, yew het ra kes tecrîd kenê, yew het ra zî merdim bêîtîbar kenî. Çimkî endambîyayişê min ê AKPî min keno bêîtîbar. Rîyê endamkerdişê min ê AKPî, ez nêeşkîya biba endamê HDPî.”
Dagtekîn destnîşan kerd ke o do ÎHDî ra serpirodo û heqê xo bigêro.
MA/RIHA