Peyniyê êrişê lejkeranê tirk de, Kamber Morkoç şehîd kewt û 2 welatijê bînî jî bî dirbetinî.
Waliyê Erdexanî badê êrişî kewt miyanê hereketî û wast bi zûrana kiştoxîna dewleta biniminayno.
Walî qandê na wasten zûrê zey "PKK êriş kerdo" ard ziwan. La belê cayê biyayişî, guleyê lejkeranê tirk û veramendeyê bombeyanê lejkeranê tirk vîniyay.
Sawciyinê tirk hetanî nika, qe çiyê nêkerdo.
Avûkatê keyeyê Morkoç'î Yaşar Kaya vat ki, polîsan o roj keyeyê Morkoç teqîp kerdo û eno êriş peyniyê jew planî de viraşto. No maben de nêrazîbiyayinê şarê Erdexanê vera kiştoxînê dewlet jî dewam kenê.
Welatijê bi nameyê Akîf Avşar'î eleqe ant mesûlîn û kiştoxînê dewlet ser û vat ki, ê kiştoxîna dewlet rind silasnenê.
Dilaver Usanmaz jî vat ki, ê dewleta tirk, komkiştena Roboskê ra silasnenê û wina dewam kerd: "Ena êrişi de gişta AKP jî esta. AKP bi enê êrişa wazena heyfê binkewtinê weçînayinî bigiro."
Welatijê bi nameyê Yaşar Saritaş'î jî vist vîrî ki rojanê peyinan de operasyonê lejkerî biyê vêşî û kiştenê Kamber Morkoç ra jî, hukumetê AKP mesûl girot.
Heto bîn ra, Meclîsa Azadiyê Cenî ra jû heyet şî qezayê Golan û biyayiş lêkolîn kerd.
Heyeta ceniyan, şahîdanê biyayişî, sawcî û keyeyê Morkoç û polîsana pêdiyin viraşt.
Endamên heyet ra tesmîlkara ÎHD'î Feray Salman vat ki, iyê derheqê biyayişî de raporê bikirê hedre.
DÎHA/ERDAXAN