Dayîka Şêrwan Encuyî Leyla Encuye zî Qirkerdişê Roboskê ser o va ‘dejê mi hîna sey roja sifteyînî yî’ û qiseykerdişê xo wina domnaye: “AKP û Tayyîp Erdoganî Qirkerdişê Roboskê ra dima zaf qirkerdişê bînî kerdî. Sey ke dejê lajanê ma bes nêbo, hukmatê AKP û Erdoganî mîyanê nê 5 serran de qirkerdişê bînî zî kerdî. Erdogan problemanê welatê xo çareser nêkeno, hesaban ra problemê Helebî çareser keno. Hende polîs û leşkerî merdî, do yew roje keyeyê nê kesan biagêrî, to ra hesab bipersî. Şima Şêrwanê mi qetil kerd la hîna 4 lajê min yê bînî estî. Ez do têkoşînê xo bidomna.”
Sozê xo nêardî ca
Encuye dewamê qiseykerdişê xo de ciresna ke ‘Tayyîp û Emîneye sozê xo nêardî ca’ û qiseykerdişê xo wina qedênaye: “Saddamî zî wina kerdbî û peynî de bîbî sebebê xo, aqûbetê to zî do sey Saddamî bibo. Dewe de seba ke ma bibî qorîcî, dewlete zaf zorî dayêne ma, labelê lajê mi nêwaştêne ke bibo qorîcî. Seba ke lajê mi nêwaşt bibo qorîcî, ame kiştiş. Mergê lajê mi ra nata keye de tim şîn esto, bifikiryênê wexto ke nîşanê keynaya mi estbî, ma bi cilanê şînî viraşt. Wa Homa heqê ma înan rê veranêdo. Êdî bes o hende gonîye rişîyaye.”
OZGUR AYDIN / YAŞAR AKSU / ANF / ŞIRNAK