Bajarê Kurdistanê de şerê YPS û çetê Sarayê Erdogan, koyê Kurdistanê de zî şerê HPG û çetê Sarayê Erdoganî dewam keno.
Çetê Sarayê Erdoganî zaf yenî kiştiş. La Erdogan û AKP wazenê kişteyê xo binimnê. Qey (serva) nayî zî şerê taybet ramnena. Kişteyî eşkere nîkenî û ya zî tayî nîşandanê. Şehîdê YPS û HPG zî des û qatî nîşandanê. Yane bieşkere û eşkere zuran kenî. Pêro sermîyanê AKP û dewlete tirkî, zuran kenî. Erdogan zuran keno. Hulusî Akar zuran keno. Êdî (hinî) kes înan ra bawer nîkeno.Çend rojî verê cû Çelê de gerîlayanê HPG pê muşekê helîkopterêk kobra visna erd. 48 esker kiştî. Ser eskeran ra sîlah dawera (wedarna).
Artêşa Tirk û serokê Artêşa Tirkî yew dazanayîş da û va, “2 pîlot û 6 eskerê ma ameyî kiştiş. Helîkoptere ma zî qeza derbas kerdo û hina kewto.” Ser dazanayîşê Hulusî Akarî ra rojêk nîvîyert, HPG vîdeoyê vistişê helîkopterê kobra vila kerd. Bi weşanayîşê vîdeoyê vistişê helîkoptere kobrayê, Erdogan û Hulusî Akar senî zuran kenî, vejîya werti. Verê çimê pêronê dinya de rezîl û rîsîya bîyê. AKP, seba ke yew nêşkero vîdeoyê vistişê helîkoptere kobra bivîno û temaşe bikero, qedexe na ser vîdeoye. Înan hina kerd la, rojnameyê namdar yê Amerîka Washîngton Postî vîdeo weşana. Çîyo ke tewr balkeşi zî roja ke vîdeoyê vistişê helîkoptere kobra ame weşanayîş, nîşanê keynaya Erdoganî Sumeyya bibi.
Eynî rojî de eskerê ke Çelê de ameybî kiştiş, cenazeyê înan amenê definkerdiş. Yane cenazeyê eskeranê tirkî tabutê de bî, Erdogan û Hulusî Akar zî reqsê de bî. Eskerê ke ameyî kiştiş, qet etîre Erdogan û Hulusî Akar de nîyê. Eyê ewnênî keyfê xo. Eyê ewnênî reqsê xo. Eyê û şêxê Katar û ereban ewnênî keyfê xo. Çiqasî esker bêro kiştiş, keyfê înan zêde beno. Çiqasî esker bêro kiştiş, reqsê înan hîna bi lêz û bez û zêde beno.
Ciqasî esker bêro kiştiş, eyê ewqasî pere û zerdan kam kenî. Daxîlê xo dikenî. Yane eyê ser meyîtan reqs kenî. Ser gan û gonîyê eskeran reqs kenî. Ser meyîtan cêbe xo dikenî.
Erdogan û Hulusî Akar, hina bêbextîyê!
Erdogan û Hulusî Akar hina bêrehmîyê!
Erdogan û Hulusî Akar, hina bêrêzîyê!
Erdogan û Hulusî Akar, hina bêşerefê!
Her dîyan Kurdîstanê de şer da destpêkerdiş.
Çiqas şer zaf xidar beno, raştîya înan yê xidar zî vejîyena meydan. Çiqas şer zaf xidar beno, rîsîyayîya înan zî vejîyena meydan. Çiqas şer zaf xidar beno, zurkerîya înan zî vejîyena meydan.