Dewleta tirk planê îşgal kena
Hemserokîna Konseya Rayverîn yê KCK damûstayina nuşteyî weşîna û vist vîrî ke, dewleta tirk tenya tirkiye, Irak û Sûriye de nê, herzewbîn pêrokîn rojhelatê miyanî de polîtîkayanê dişmeniya demokrasî ramena. KCK aşkere kerd ke dewleta tirk bi sewqiyetanê eskerî pey planê îşgalî de ya. Damûstayin de vajiya ke, dewleta tirk senî ke Sûriye de hewl da verniya demokratîkbiyen û azadiyan bigîro, nika zî eynî polîtîka kirêşt başûrê kurdistan û Iraq.
Wazenê Mûsil bidê çeteyan
KCK va, AKP vînena ke, pêrokîn dinya dûstê DAİŞ de yo û wazena verniya binkewtişê DAİŞ bigîro. Hemserokîna Konseya Rayverîn yê KCK aşkere kerd ke, rişnayişê eskeran hetê Iraq bi meqsedê perwerde kerdişê tayn qûwetan niyo. Bi nê vatenan wazenê raştiyan binimnê. Dewleta tirk wazena Mûsil û çormeyê ci bikewo destê rêxistinanê zey DAİŞ. Herzewîn wazenê verra PKK êrişan Başûr û Irak de zî biramê
PKK û KDP anê pêver
KCK vistvîrî ke polîtîkayê çarekerdinê meseleya kurd yê dewleta tirk çinyê. Nayî ra serva tesfiyekerdişê gerîlayan her çî kena. Nê rayan ra jû zî, şixûlnayişê KDP yo. Dewleta tirk wazena PKK û KDP biyaro pê ver. Çend rojiyo, esker û wesayitê newî heremanê KDP de amey bi ca kerdin. Başûrê kurdistan de KDP û dewleta tirk piyakarî kenê. Bado ke Barzanî şi enqera verra waştenanê xoserî dewlet êrişê xo kerdî jêde. KCK vistvîrî ke, biyayişê eskeranê tirk, başûrê kurdistan de, tenya serva PKK nê, serva serkewtişanê başûrê kurdistan taloke yo.
Verra herekatê îşgal bivejyê
KCK aşkere kerd ke, dewleta tirk başûrê kurdistan açarna zey cayê kolonî yê ekonomîk. KCK şar û qûwetanê başûrî ra waşt ke verra herekatê îşgal yê dewleta tirk bivejyê û wina va: “ma rişnayişê eskeranê tirk hetê başûrê kurdistan qebûl nêkenê û serva vetişê înan ma dê tekoşîna xo biramnê.
ANF/BEHDÎNAN