13ê adara 2016 de Gever de qedexeyê tebervejîyayîşî amebî îlankerdiş û dima ra zî her taxe û cadeyê Geverî de hêzê dewlete ameybî bicakerdiş. Operasyonan de bi seyan dikanî ameybî rijnayîş û esnafî bi aşman nêeşkayî dikananê xo biakerî û bi no hawa zerar kerdî. Babete ser o Serekê Odaya Esnaf û Hunermendan Îrfan Sarîyî qisey kerd.
Bajar de esnafî nêmendî
Sarîyî qala rewşa esnafê bajarî kerd û mexdurîyetê esnafan ard ziwan: “Seba qedênayîşê mexdurîyetê esnafan heta nika ti game nêame eştiş. Gever de esnafî her het ra zirar vînenî. Seba qedênayîşê probleman çîyêk nîno kerdiş.”
Sarîyî qiseykerdişê xo wina qedêna: “Fekê berê her dikanî de wesayîtê zirxin û polîsî estî. Gever de çend aşmî çimê esnafan ver de mîyanê panzerî ra gule ame rijnayîş û netîceyî hedîseyî de yewê xo esnaf 4 kesî ameybî qetilkerdiş. Gever de seba ke ewleyîya ganî çîn o ti kes nêşkeno bivejîyo teber. Ganî polîsî merkezê sûke ra bêrî antiş û esnafî bieşkî karê xo bikerî.”
COLEMÊRG