Umît Tekînê ESPyî yo ke amebî tepiştiş û dima ra tewqîf bîbî, Mudirîya Asayîşî ya Qezaya Serêkanîye de raştê îşkenceyî ameyo. Cilê Tekînî ser ey ra ameyî vetiş û Tekîn dima ra raştê îşkenceyê bi awa serdine ame û ame kutiş. Avûkatê Buroyê Huqûqî yê Bindestan derheqê îşkenceyî de polîs û doktoran gerre kerdî. Avûkat Ozlem Gumuştaşa ke muwekîlê xo reyde pêvînayîş kerde, wina va: “Kutişî ver, goşê muwekîlê mi de kerbîyayîşêk virazîyayo, piştîya ey de dej esto û şopê îşkenceyî bedenê ci de estî.”
Avukat Gumuştaşe derheqê îşkenceyî de heqê Mudirê Mudirîya Asayîşî ya Qeza, Mudirê Beşa Terorî Reyde Tekoşînî û polîsê ke Mudirîya Asayîşî de yî de gerre kerde.
RIHA