Fransa çira şarê mazlum, şarê kurdî ra dişmenî û neyarî kena? Mavaji ma nîkewnî çîyê tarîxî. Mavaji Fransa, Kurdistan kerdo çar parçe. Nayî herkes zano. La nika Fransa, şarê kurd yê mazlum ra çi wazena. Yew bi yew TV’yê kurdan gena. La vana no bîryar û qerarê Şîrketa EUTELSAT’o. Raştî hinawa? Ney. Dewleta Fransa, Şîrketa EUTELSAT’î ra nîvajo TV’yê kurdan bigerênê, Şîrketa EUTELSAT TV’yê kurdan nîgirewtenê.
Nê derheqî de hevalê ma rojnameger (rojnuser) Ferda Çetîn bi belgeyan yew nuşte nuşt. Goreyê ke Ferda Çetîn nuşto, sermîyanê EUTELSAT hema hema pêro tirkî. Tirkê ke girêdayî dewlata tirkî hol yenî şinaşnayîş. Kam hebî sazî û dezgehan û dewletan de kar bikerênê, pêronê înan sey yew endamê MÎT’î kar kenî. Hembere şarê kurdî dişmenî kenî. Sermîyanê EUTELSAT bena na şîrketa Fransa da karbikerênê. La hiş û emelê înan hê hiş û emelê dewleta tirkî yo. Yewê înan zî gore qanunê Dewleta Fransa ne, gore qanunê Dewleta Tirkîye gurîyenî. Sey kurmancî vanî ya, kurt kurmancî neyarîya şarê kurd û sazîyên kurdan kenî.
Dewleta Tirk îhale ser îhale dana Dewleta Fransa, Fransa zî qerar dana ke TV’yê kurdan bigero. Vanî Fransa bi rayîra Şîrketa EUTELSAT binehîya înternet û elektronîk yê tirkan awankerdo. Zobîzî stalaytên ezmanî zî yê tirkan eynî şîrket virazena. Vanî, Şîrketa EUTELSAT 2018, 2019, 2020’an de TURKSAT A, TURKSAT 5B, TURKSAT 5A virazena û şirawena ezman. Zobî zî wexto ke Serokomarê Fransa Françîs Holland 2014 de şîyo Tirkîye, Dewleta Tirkîye ra zaf peyman û pêameyîşê tîcarî yane bazirganî îmza kerdî. Yane çîyo ke beyntare Fransa û Tirkîye de şino û yeno menfaet o. Wexto ke babet beno Kurd û Kurdistan, Dewleta Fransa ewnêna menfaetê xo.
Dewleta Fransa ser nê esasî destek dana dewleta tirk ya dagîrker. Dewleta Fransa ser nê esasî bena şîrike qirkerdişe dewlet tirk û qirkerdişe şarê kurdî de kiştê dewleta tirkî de ca gena.
Med Nûçe û TV’yê bîn yê kurdan hina yew bi yew hetê Fransa ra yenî girewtiş. Girewtişê TV’yê kurdan de vejîya werti ke, pêronê neyarê şarê kurdî hemberê şarê kurdî pîya hereket kenî. Gera şarê kurdî zî tehlukeya gird bivîno. Goreyê nayî wayîrê TV’yan xo bivejîyo. Bivejîyo meydanan...