Di qada perwerdehî, ewlehî, tenduristî, huner û gelek qadên din de hilberînek berbiçav derket pêş. Heta niha bi 10'an hunermendên ku nikaribûn azad hunera xwe fikr û ramanê xwe pêşkêş bikin neçar diman ku derkevin dervê welat. Lê piştî ev bend ji pêş hunermendên Kurd rabûn yek bi yek hunerê xwe dide pêş. Yek ji van hunermend jin a Resam Lorîn Alî ye. Mamoste û hunermend Lorin Alî dest ji dibistana fermî ya dewletê berda û li Navenda Zanistî ya Jinan dest bi perwerdehiya zimanê zikmakî kir. Lorin Alî ku li ser hestiyan fikr û ramanê xwe xêz dike li oteya ku ji 4 metrekareyan pêk tê hunerê xwe pêşkêş kir. Lorin Ali, ji ber ku salona pêşandanê tune li odeyek biçûk berhem û hunerê xwe pêşandaye û li aliyê din ji perwerdehiya huner û resimê bi Kurdî dide şagirtan. Lorin Ali, di nava şert û mercên girna û şerê navxweyî de boyaxê diçe ji Helebê û Hasekî distîne û li hewşa mala xwe hunerê di afirîne.


Xeyala perwerdehiya Kurdî
Lorîn Alî, anî ziman ku ji ber astengî û qedexeyên li ser ziman nikaribûn hest û ramanê xwe bi gotinan bînin ziman û di serdema Rejîma Baas de hest û ramanê xwe ji bilî gotinê bi huner û xêzan dianîn ziman. Lorîn, da zanîn ku di nava şert û mercên pir zahmet de zanîngeh xwend û wiha got: "Dema min çû beşa resîmê xwend her kesî xerîb didît. Lê li gel vê yekê piştî min zanîngeh xelas kir ez hatim navçeyê û min dest bi mamostetiya resîmê kir. Niha jî ez bi zimanê xwe hunera xwe fêr dikim."
Lorîn, destnîşan kir ku xeyala wê ya herî mezin bi zimanê zikmakî hunera xwe û xebatê xwe parve bike û wiha dawi li axaftina xwe anî: "Dema min zanîngeh dixwend min carekê pêşengeh vekir. Min 3 caran jî li salona dibistanê pêşengeh vekir. Xeyala min a herî mezin ez dikaribim di bin keskasora cihanê de xeyalê xwe azad nexş bikim. Niha ji ber şerê navxweşî nikarin biçim boyayê bistînim û rengê keskasor çekim. Hemû resîmê min li ser lêgerîna jinê ya azadiyê ne. Ez xeyalên xwe yên azadiya jinê liser tual û hestiyan xêz dikim." 

DÎHA/GIRKÊ LEGÊ