Wexto ke, gurekarê Tirk yê Mûsilê bi seneryokêk ameyê veradayîş, R.T.Erdogan û çeteyên  DAÎŞ’ê  yê T.C tayî qisey kerdî. Dima ra Ehmed Davudoglu zî yew qise kerd. R.T.Erdogan vat kî: “Ma bazariya siyasî û dîplomasî kerdo. Mavêji ma seba gurekaranê xo tayî çî dawo la sebeno”.

Ceteyên DAÎŞ yê T.C vat kî: “Qey kewtişê Kobanê ma gurekarê Tirk veradayê. Wa herkes na raştîyê bizan o”. Ehmed Davudoglu zî vat kî: “DAÎŞ rêxistinek erjayî û birûmeto. Gera DAÎŞ zafê kesan xemdar nêkero”.
Yew biewnê nê qiseyan la reyna hewcekeno ke yew şîrove bikero! Eşkeraya kî, T.C û DAÎŞ pîyayê. DAÎŞ, T.C’ya. T.C zî DAÎŞ’o.
Xo ra Şarê Kobanê re Ehmed Hesen û Feredun Qeremox zî vanî: “Ma pê çimanê xo dî T.C bi otobûs û trenan 3000 hezar çeteyên DAÎŞ’ê ard û derbasê erde Kobanê kerd”. Reyadarê PKK Murat Karayilan zî no derheqî de zelal qisey kerd vat kî: “Hêrîşê ser Kobanê planê AKP û DAÎŞ pîyayo. Ver nayê ma eşkere vanî pêvajo mevajo nêmend o. Ma bayîyê vatişê peyênê yê Serok APO’yê”.  Zobî zî Reyadarê KCK Duran Kalkan zî qisey  kerd û va: “Parçe marçe nêmendo. Kurdistan yew o. Wext wextê qiseykerdiş nîyo. Wa pêronê ciwanê Kurd û şarê Kurd şîyerenê şer”. Serokê Şarê Kurd Abdullah Ocalan zî no derheqî de va:”Gera Şarê Kurd gorê şer xo rêxistinbikero. Bikewro seferberî”. Ma nê qiseykerdiş û serûbetan pêro bidi pêser verêneyê ma de yew rey esta.
Xoverdayîş! Xoverdayîş!Xoverdayîş.
Şarê Kurd giranî na raştîyê ferq kerda. Ciwananê Kurd giranî na raştîyê ferq kerda. Cinîyanê Kurd ferq kerda. Pêronê rêxistinê Kurd yên Bakurê Kurdisna na raştîyê zananê. Xo pêro ameyê pêser û dazanayîşê xoverdayîşê da. Bi seyan Ciwananê Bakûrê Kurdistanê zî seba ke beşdarê şerê Kobanê bibenê şîyê. Bakûrê Kurdistanê ra Şarê Kurd qefle qefle şino Pirsûs û Kobanê. Şarê Kurd zano sey bawûkalanê ma vato. “Zehmet ke çine bo, qîmetê kes zî çîno”. Wa şarê Kurd no vatişanê bawûkalanê ma zî bizano.
“Kutika de weno, verga de zureno”. No vatiş seba şîrîkîya T.C û DAÎŞ’o.
“Cayê bê namûsî ne cennet de esto, ne cehenneme de”. No vatiş zî seba T.C û DAÎŞê de yo. “Camêrd yew rey mireno, tersonek her roj mireno”. No vatiş zî seba ciwananê egîd yê Kurdan o. Eger ciwananê Kurd ewro camêrdî û egîdî nêkenê kam hew roj bikerenê. Roj rojê pawitişê Kobanê û Rojavay o. Roj rojê  camêrdî û egîdîy o! Ey ciwananê Kurd Rojava û Kobanê vendeno şima û ma. Roj rojê pawitişê namûsê Kurd û Kurdistanê yo!