Karasu wina vat: “Di Ewropayê de kedkar, maxdûrê rejîma faşîst a 12’ê Êlulê, sosyalîst, demokrat û kurd est î, no zî potonsîyela HDP a rayê yo. Di Ewropayê de tewr zaf rayê do HDP bivejno, eke di Ewropayê de HDP partîya sifteyin bivejîyo, çew şaş nêmano. 12’ê Êlulê ra nika verba faşîstîya Tirkîyayê tewr weş têkoşîn di Ewropayê de yena dayiş. Çimkî di verba faşîzmî de zaf hûmarîy de kurd, sosyalîst û çepgîr nêçare Ewropayê ra remayî. Taybetê peynîya hemleya 1984’ê di Ewropayê de kurdan di xêza welatperwer û demokratîkî de polîtîk bîyê û na roj ra nika seba çareserîya pirsgirêkê kurd têkoşîn danî.”


Rayver APO û dîaspora 

Karasu bal ant ser pirtûkê Rayverê Şarê Kurd Abdullah Ocalanî ‘Di Dorpêçê Terteleyê Kultirê de Kurdan Pawiyayiş’ û wina dewam kerd: “Rayver Apo di no pirtûkê xo de di şarê ra spas kena, yew kurdê Ewropayê yew zî şarê Kurdistanî ya Rojawanî. Şarê Kurdistanî ya Rojawanî 20 serrê verê Rayver Apoyî ra vira xo akerdbî û di tewr rewşa zehmetî de hetê PKKê de ca girewtî û nê rojan ra ameyoxê PKKê de rolê xo girewtî. Kurdê Ewropayê û dostê kurdan faşîzma 12’ê Êlulê ra nika her tim hetê PKK û Tevgera Kurd de ca girewtê û no zî bi nuştişê nîno famdayiş.”


Rolê Elewîyan

Karasu destnîşan kerd ke kurdê Ewrapayê, dostê kurdan û hêzê demokrasîyê bi bedeldayişê nê rojan ra ameyê û bi têkoşîna xo zî Tevgera Kurd ra hêzê ke gird dayî, merdim ganî di na têkoşînê de rolê kurdê elewîyê zî vîra nêkero. 

Karasu vat ke sifteyin kurdê elewîyê hetê pergala faşîzmî bi zorî ame koçkerdiş û sifteyin barê giran têkoşînê kurdê elewîyê antî û qet na têkoşîna de elewîyan nîno vîrkerdiş.


Rûmeta şarê Ewropayê

Karasu îzeh kerd ke di Ewropayê de kurdan bedeleke gird day, çimkî pergala faşîst dewê înan veşnabî, pergala faşîst waşt serra 90’an de kurdan terteleyê ra bivîyarno û na rewşê ra giran çik çino, komeleyan tewr weşî kultirê xo di axê xo de xulq kenî û di Ewropayê de kurdê êzidî û elewîyê nêeşkenê kultira xo biciwî û Ewropayê de elewîtî û êzidîtî, elewîtîyek û êzidîtîyek bêhêz o.

Karasu destnîşan kerd ke bi serrana ke di Ewropayê de şarê kurd seba xelisnyayişê terteleyê kultir ra û welatê xo ra agêrayiş ra têkoşîn dana, bi na têkoşîna xo zî û di Tirkîya û Kurdistanê de qezenckerdişê heqê kurdan qetqiyê înan zaf bîyo û ganî di Ewropayê de kurd ke cuyenî, rûmet û heşmê na têkoşînê hîs bikerê. 

Karasu ciresna ke HDP tena partîya yew kamîya nîyo, HDP partîya heme şarê bindestan o.

Karasu wina peynî kerd: “Kamîyake demokrasî û aştî biwazo, no demê na kam xo di HDPê de bivîno, di Kurdistan û Tirkîyayê de eke yew kamî azadî û aştî nêreso do sewbî kamî û bawerîyan zî nêresî û HDP zî partîya no raştî û hişmendî ya. HDP partîya heme şarê bindestan o. Azadîya cenîyê pawiyayiş, raştî azadîwaşt û demokratbîyîşo. No ser zî bi rehetî şarê çerkes, kurd, tirk, sunî, êzidî, suryanî û ereb rayê xo bidê û eke xebatêke weş bêro se kerdiş do HDP bi rehetî 400 hezar rayê Ewropayê ra bigêro.” 


 NAVENDA XEBERAN