Platformê Nêyî yê Ewropa, bi kombîyayîşo ke 23ê sibate de viraştbî derheqê referandûmî de programê xo amade kerdbî. Platformî programê xo bi îzehetêko nuşteyîn aşkere kerd.
Platformî îzehetê xo de vato ‘ma bi kombîyayîşo ke 23ê sibate de viraştbî, vera faşîzm û dîktatorî de programê xo amade kerd’ û îzehet wina domîyayo: “Na çarçewa de seba ke mîtîng, kombîyayîş û sewbîna heme çalakîyê ma bi hawayo bihêz derbaz bibî ganî ma beşdarê nê programî bibî. Ma sey Platformê Nêyî ye Ewropa veng danî bawerîyê elewî, êzidî, xirîstîyan, musluman û nasnameyê kurd, çerkes, Pomak, tirkmen û heme nasnameyê ke bindest î rê ma vanî; bi hawayo bihêz beşdarê aktîvîteyanê ma bibê.”
Platformî programê xo de ca dayo aktîvîteyê ke bêrî viraştiş zî. Goreyê programê platformî çalakîyî 4ê adare de dest pêkenî û heta 2ê nîsane dewam bikerî. Çalakîyî sere de Almanya, Swîsre, Swêd, Fransa, Danîmarka û sewbîna zaf welatanê Ewropa û sewbîna cayan de bêrî viraştiş. Nê çalakîyan de parlamenter, roşnvîr û sewbîna kesî beşdarê nê çalakîyan bibî.”
ANF BRUKSEL